遊日必掃3D面膜登港! 設計貼面 試用報告@Hello Pinkey
廣告
最近天氣時冷時熱，一日乾燥一日潮濕，皮膚好難適應，一定要勤敷Mask補救下，一向少用Paper Mask，因為通常敷唔到鼻翼這些經常泛紅的位置，不過最近發現化妝品店有呢款sell 3D貼面的「肌美精」Mask，很多人去日本旅行都會狂掃貨，價錢又相宜，Hello Pinkey試完覺得好用，要寫報告同大家分享下！
美白、保濕、水潤嫩滑 3個選擇
美白（藍色）：含抑制黑色素的維他命 C，重整肌膚水潤彈力的膠原蛋白及蜂王漿精華，另有檸檬精華，幫助柔軟肌膚，去黃去暗啞。
保濕（粉紅色）：含膠原蛋白，主要保濕恢復光澤，天然檸檬酸，加促身陳代謝，預防皺紋及表情紋，加強皮膚彈力。
水潤嫩滑 （橙色）：玻尿酸配方，保濕鎖水，舒緩及鎮靜皮膚，檸檬酸抗氧化，持久保濕，幫助膚色均勻。
立即開箱！
其他人講到點好用都無用，自己開箱睇真d先！打開第一感覺是Mask的設計Detail，有凸出位，易於攤開面膜，不會因為Mask多精華濕轆轆，找不到缺口，太難打開搞到精華滴走晒。另外Mask有勁多Jelly狀精華，好濕好重手，拿出Mask後包裝袋裡還剩餘大量精華液，包裝寫的30ml美容液真係無呃人喎！
Hello Pinkey試用報告
貼面度：★★★★★
－極貼面呀！攤開塊Mask，並不是一塊平面的紙，而是3D的面型孤度，無敷唔到的死角位。
－鼻翼位唔似一般Mask咁開窿，一塊過的設計，做到鼻翼全無虛位，讚！
－嘴角、下巴位都照顧得到。
－Mask很大塊，Hello Pinkey大面都一樣敷得到成塊面。
保濕度：★★★★☆
－3款保濕度都很高，精華超多，滲透力都高，用完明顯肌膚水潤了。
－敷足30mins，Mask上依然有多餘精華，沒有出現倒吸水份問題。
－精華多得來不會滴漏。
－翌日皮膚多了光澤，上妝貼服咗。
－不過3款Mask，用完未即時感覺到分別，但美白呢，肯定不是敷1、2次就有效果，要長期用先得。
抵買度：★★★★☆
－各$68/1盒4片
－圍起$17/片，淨係Mask都咁大塊，精華又多，抵用！
總評：
－值得買！
－Mask超貼面，無死角位，用後水潤，皮膚有光澤，價錢抵用，經常敷都唔肉赤，怪不之得話係日本銷量No.1的 面膜 ～
