創意大賽 維園花卉展7大搞笑影相位！|銅鑼灣好去處|
廣告
一年一度的香港花卉展覽又到喇！今年展出超過35萬株花卉，主題花是「洋彩雀」，即俗稱的金魚草，展期一共10日。
除了主題花，當然亦唔少得每年必有的鬱金香花海，一共用了約1萬4千株鬱金香鋪砌而成，有橙、紅、黃、粉紅、白色。
南昌公園的幾棵黃花風鈴木十分有名，每年開花都吸引不少龍友，花展期間維園都可以影到～
7大搞笑影相位
可惜天公不造美，天文台預告未來一周都會落雨，睇怕都未必影到唯美靚相，所以今次派出記者Mandy同Katie，發揮創意，影d得意搞笑相補返數。
跳舞定搏擊？
由於身後的藝術品形態十分有趣，忍不住參考一番，但到底兩人是跳舞抑或打鬥中，我望唔透。
風雨中自製3D畫
既然雨下不停，便順便利用這天氣，自製出另類的3D畫，10號風球亦不過如此。
中國味濃 眼大大海星
由北京市公園管理中心打造的「魚戲花淵」果然特別有中國風味，金魚同海星的表情都零舍不同，眼大大，而且笑容有點⋯⋯
扮靚做個花女孩
由海洋公園設計的鮮花服飾，著咗好似人都靚d，你睇Katie面色當堂紅潤咗。
親親大海馬
提到海洋公園，又點少得海馬？大家可以嘟長個咀，親親大海馬，睇你咀長定佢咀長。
情侶最啱 與sweet爆動物合照
賽馬會打造的這個花壇，以30000多株花卉植物砌出動物造型，一雙一對，sweet爆！
你係何方神聖？
影完甜相，當然要關心一下身後的動物，不過，長耳長頸的你，到底係何方神聖？
香港花卉展覽2016
地址：香港維多利亞公園（顯示地圖）
日期：3月11日至3月20日
時間：9am-9pm
