低頭族
低頭族

Figure教父發軟功 啟發港豬低頭族 |銅鑼灣好去處|

生活

廣告

闊別兩年,Figure教父Michael Lau再搞個展。以為會食老本又玩figure?

錯,今次佢還原基本步,專注在最擅長的油畫及雕塑。Michael Lau眼見人人沉迷科技變低頭族,睇唔過眼決定出手。誓要再教育港豬低頭族,反思「What We Want 」。

教父 港豬 低頭族 01

不再硬膠 變「海綿寶寶」

今次教父唔玩搪膠玩海綿,展出13幅的畫作及9呎高雕塑,分別以海綿畫成及製成海綿狀表面。Michael用上海綿作媒介是因感到在Big Data世代中, 我們過於依賴平面社交(2D Socializing)。人腦變得像海綿般吸收大量資訊,但同時又很快流走,故希望把其質感融入展覽主題。

教父 港豬 低頭族 04

展場有8個雕塑,每隻坐著一個電話icon,正正道出都市人依賴科技。

教父 港豬 低頭族 02

人到中年 創意不死

今次是教父第五次個人展,主題「what? we: want! 」正正諷刺都市人迷失於www 世界。你問我難道教主沒有IG、Facebook?我可以肯定答你有,但他不假手於科技,作品從草圖到落刀一刻全人手製作。他笑言人到中年需要改變,唔再只玩公仔咁悶。問到未來大計,他說:「想做深入點、藝術成分高啲的。個人展就是做自己喜歡的。」他今次加入大量中國水墨元素,色調黑白紅,大量留白, 令主題更突出,還特別用上國畫印鑒crossover 「#Hashtag 」。港豬們覺得難明?藝術嘅嘢,凡人如我也許只識條鐵,不過教父久違的個人展你一定不可錯過。

油畫佬玩膠公仔起家

係人都知Michael Lau男人老狗玩公仔玩到衝出香港,不說不知他原來是玩油畫出身。曾在93及96年舉辦過2次平面畫個人展的他,至99年因Gardeners紅爆才主攻搪膠公仔。叫得Figure教父,十多年來創出過百款Gardeners公仔,勁到幫籃球之神Michael Jordan創作Wall ofJordan,MJ更親自到訪欣賞,並為畫作簽上大名。

教父 港豬 低頭族 06

Michael Lau Exhibition V: what? we: want!
日期:9/3-31/3(10am-10pm)
地點:銅鑼灣時代廣場Living Room Museum(顯示地圖

 

延伸閱讀:
「感謝阿爺」 藝術展 |鰂魚涌好去處|
復活節! 迪士尼遍地花蛋