超肥美海膽櫻花蝦天使麵! 西環6大堅不離地美食|掃街王|

西環好像是自成一角,不是住港島的朋友們,都比較少接觸這一區。不過,西環變幻多端,除了有傳統老店,又增添了不少新派菜式,而且西環又多靚景打卡,非常適合大家周末來走一轉!其中,有歎靚料抵食的Fusion菜快餐店、陣陣肉香飄埋來的中東小食店、學生和街坊的深宵食堂,仲有悠閒慢活靚景Cafe。掃街王即刻帶大家去西環掃6大周末悠閒餐廳。

西環其實都包括幾個地方,第一站同大家掃堅尼地城,之後同大家搭一個站去香港大學站繼續食!

1.北海道超肥美海膽天使麵!抵食靚料Fusion菜快餐店

第一間介紹的食店,所推出的美食都幾有搞作,其中,海膽櫻花蝦天使麵,以北海道新鮮海膽製作,超肥美的!再以櫻花蝦和魚子調味,口感和味道上都好有層次。另外,快餐店當然要食漢堡包。他們推出的漢堡包以西班牙炸豬皮配美國安格斯牛做餡,一般漢堡店都真喺幾少有。咁Fusion的菜式會否好貴?其實價錢與一般漢堡店相近,而且用料不馬虎,都幾物有所值。

海膽櫻花蝦天使麵 $86。 北海道海膽新鮮每日運到,甘香又肥美;配埋櫻花蝦和魚子,鮮甜帶點鹹味,令天使麵口感和味道上都有所層次。
海膽櫻花蝦天使麵 $86。
北海道海膽新鮮每日運到,甘香又肥美;配埋櫻花蝦和魚子,鮮甜帶點鹹味,令天使麵口感和味道上都有所層次。
見住師傅鋪海膽都已經流口水!
見住師傅鋪海膽都已經流口水!
流心芝士蝦丸 $48。 以海蝦再配上Mozzarella,啖啖蝦肉之餘,仲有得拉芝士呢~
流心芝士蝦丸 $48。
以海蝦再配上Mozzarella,啖啖蝦肉之餘,仲有得拉芝士呢~
BBQ汁安格斯牛肉炸豬皮漢堡 $68。 坊間都有漢堡以美國安格斯牛肉製作,不過再加埋炸香了的西班牙豬皮就比較少見。呢啲炸豬皮就好似個氣墊,食漢堡包時,會有層煙韌帶點空氣感的層次,在牛肉和麵包之間。
BBQ汁安格斯牛肉炸豬皮漢堡 $68。
坊間都有漢堡以美國安格斯牛肉製作,不過再加埋炸香了的西班牙豬皮就比較少見。呢啲炸豬皮就好似個氣墊,食漢堡包時,會有層煙韌帶點空氣感的層次,在啖啖肉又Juicy的牛肉和麵包之間,幾特別。

點解會煙燻漢堡?因為店主Karen喜歡製作煙燻食物,上至私房菜的煙燻口水雞、煙燻清酒高湯鮑魚,下至快餐漢堡包都要煙燻!食落會有微微的燻味,令漢堡味道有所層次。

煙燻雙重芝士安格斯漢堡 $69。 以澳洲車厘木煙燻漢堡,打開時超有效果的!
煙燻雙重芝士安格斯漢堡 $69。
以澳洲車厘木煙燻漢堡,打開時超有效果的!

掃街王_西環_悠閒

Opium Snack Bar
地址:西環吉席街99號添利閣地下3號舖(顯示地圖
營業時間:星期一至五:15:00-00:00;星期六、日:12:00-00:00
電話:2612 2699

2. 陣陣肉香味!鐵板炒香滑惹味雞捲!

也是在叮叮電車站附近的中東風味小食店,一經過就已經有陣陣燒烤味。記者除了被燒烤味吸引住,仔細看看店內,會有一大串雞肉柱,店主氣勢地拿起兩把長刀,將來自埃及的雞肉切片,再放在燒紅了的鐵板炒香,就咁睇個過程都已經流口水!配埋秘製酸酸辣辣的醬汁,好惹味!

Chicken Doner $45。 雞肉好嫩滑,薄餅厚薄剛好,配埋洋蔥等蔬菜,感覺清新,不過,最惹味是醬汁,辣辣的(如果唔食得辣可以同店主講)都幾有中東風味。
Chicken Doner $45。
雞肉好嫩滑,薄餅厚薄剛好,配埋洋蔥等蔬菜,感覺清新,不過,最惹味是醬汁,辣辣的(如果唔食得辣可以同店主講)都幾有中東風味。
Falafel Sandwich $45。 入面以洋蔥炸香,再加蔬菜蓉製成。醬汁依然惹味,不過相對肉捲就菜味濃啲,素食人士都可以食!
Falafel Sandwich $45。
入面以洋蔥炸香,再加蔬菜蓉製成。醬汁依然惹味,不過相對肉捲就菜味濃啲,素食人士都可以食!
店主是來自埃及的朋友,曾於泰國酒店當廚師。來到香港,亦有開中東餐廳,將他家鄉的傳統菜式帶到來香港。
店主來自埃及,曾於泰國酒店當廚師。來到香港,亦有開中東餐廳,將家鄉傳統菜式令香港人都可以品嚐。
開放式鐵板後,會有支雞肉柱,店主拿起長刀,片下片下,片出嫩滑雞肉碎。
開放式鐵板上會有支雞肉柱,店主拿起長刀,片下片下,片出嫩滑雞肉碎。
在店外等緊個時,見住店主將肉放在鐵板上炒下炒下,好香好吸引啊!
在店外等緊個時,見住店主將肉放在鐵板上炒下炒下,好香好吸引啊!

掃街王_西環_悠閒

Falafel Hut
地址:西環吉席街76號地舖(顯示地圖
營業時間:星期一至日:15:00-03:00

3.香脆炸鮮蝦雲吞!學生宵夜食堂

每次做掃街王,記者都會問問做個區的朋友們有無美食推介,而這間食店,有西環朋友們都視之為深宵食堂(尤其是港大住Hall的朋友),事關這食店開到零晨四點,一班趕功課趕到不知時間的同學仔們,就會到深宵食堂,叫碟腸粉加蛋、或者腐竹雞蛋糖水,食飽飽又有個地方同朋友吹水。

炸鮮蝦雲吞 $30。 新鮮炸出來的雲吞仲會聽到清脆的油炸聲。一碟有十粒鮮蝦雲吞。一口咬下非常香脆,蝦肉夠爽口而且厚肉。雖然好熱氣,但真喺好香口。
炸鮮蝦雲吞 $30。
新鮮炸出來的雲吞仲會聽到清脆的油炸聲。一碟有十粒鮮蝦雲吞。一口咬下非常香脆,蝦肉夠爽口而且厚肉。雖然好熱氣,但真係好香口。
皮超香脆,蝦肉很爽口!
皮超香脆,蝦肉很爽口!
香煎腸粉加雞蛋 $17。 這店好出名的香煎腸粉加雞蛋,煎香了的腸粉配蛋,夠晒滑溜,再加麻醬和芝麻,惹味!
香煎腸粉加雞蛋 $17。
這店好出名的香煎腸粉加雞蛋,煎香了的腸粉配蛋,夠晒滑溜,再加麻醬和芝麻,惹味!
香煎薄餅 $16。 蔥香味幾香濃,薄餅口感煙韌,不過有點油膩。
香煎薄餅 $16。
蔥香味幾香濃,薄餅口感煙韌,不過有點油膩。

掃街王_西環_悠閒

掃街王_西環_悠閒

可可店
地址:西環卑路乍街136-142號聯威新樓地下E及F舖(顯示地圖
營業時間:星期一至日:16:00-04:00
電話:2818 3658

4.木糠布甸10款味道!街坊價食堂

這間食店,記者問過住西環的朋友們,他們都不約而同推介!除了食物價錢夠親民,這裡比較特別的是木糠布甸,有成10款味道可選擇,原味、綠茶、草莓、朱古力、咖啡、榴槤、藍莓、芒果、花生和芝麻,總有一款合你心水。雖然,店員都話其實最多人會揀返原味和朱古力味,不過,想試新口味的話,記者個人認為花生、咖啡和榴槤都幾香幾好味。

綠茶木糠布甸 $21。 港人熱愛的綠茶,他們都推出了綠茶味木糠布甸,味道當然沒有抹茶般甘香,不過都能嚐到微微的綠茶味。
綠茶木糠布甸 $21。
港人熱愛的綠茶,他們都推出了綠茶味木糠布甸,味道當然沒有抹茶般甘香,不過都能嚐到微微的綠茶味。
咖啡木糠布甸 $21。 出奇地味道好香濃,對新口味有興趣的可以一試。
咖啡木糠布甸 $21。
出奇地味道好香濃,對新口味有興趣的可以一試。
榴槤木糠布甸 $21。 如果鍾意食榴槤的朋友要試,味道夠香而且會食到榴槤肉,記者和攝影師不消五分鐘已經食完。
榴槤木糠布甸 $21。
如果鍾意食榴槤的朋友要試,味道夠香而且會食到榴槤肉,記者和攝影師不消五分鐘已經食完。
朱古力木糠布甸 $21。 比較多朋友會選擇的一款味道。記者認為,牛奶味會比朱古力味突出,都幾甜。
朱古力木糠布甸 $21。
比較多朋友會選擇的一款味道。記者認為,牛奶味會比朱古力味突出,都幾甜。

掃街王_西環_悠閒

掃街王_西環_悠閒

宜記甜品
地址:西環士美非路12S-12T號新發大廈地下(顯示地圖
營業時間:星期一至日:17:00-02:00
電話:2974 1333

5.肉汁Juicy肉夾饃!北方風味小食店

去完堅尼地城,可以搭一個港鐵站,去到香港大學站繼續食!這家食傳統陝西小食店,有這款肉夾饃。肉夾饃是以類似饅頭的麵團,煎香後,夾住豬肉或者牛肉絲,再加臘汁,是當地人常常吃到的街頭風味小食。記者都是第一次食,味道都幾香幾惹味,又有肉汁,下午茶當小吃還不錯喔!

金牌肉夾饃 $18。 豬肉絲配秘製臘汁,鹹鹹的帶點豬肉香味,而且肉絲份量都算多,足料又惹味!
金牌肉夾饃 $18。
豬肉絲配秘製臘汁,鹹鹹的帶點豬肉香味,而且肉絲份量都算多,足料又惹味!
金牌麵皮 $22。 涼皮有兩款質感選擇,軟滑版和爽口版,記者就選了軟滑版的,吃起來有點像河粉。而吃這類冷麵最緊要撈埋調味醋和辣椒油,再配埋豆卜和青瓜絲,夠晒醒胃。
金牌麵皮 $22。
涼皮有兩款質感選擇,軟滑版和爽口版,記者就選了軟滑版的,吃起來有點像河粉。而吃這類冷麵最緊要撈埋調味醋和辣椒油,再配埋豆卜和青瓜絲,夠晒醒胃。

掃街王_西環_悠閒

掃街王_西環_悠閒

西香記(西環分店)
地址:西環德輔道西406D地舖(顯示地圖
營業時間:星期一至日:12:00-22:00
電話:5509 6800

6.清甜不膩西瓜草莓蛋糕!悠閒靚景咖啡室

在香港大學站附近,有一間開了一星期左右的咖啡室。這裡悠閒舒服之餘,最特別的是有幅色彩繽紛的牆畫,是兩位店主,Sam和Viktor與一班有同樣信仰的朋友一同設計的。牆畫的設計概念都幾有意思,以一雙手,將代表快樂的氣球,送給可愛的動物們,令整個社會都美好,大家欣賞畫作之餘,也值得打卡留影喔!另外,講到明悠閒咖啡室,就當然要歎返杯茶,食件蛋糕啦。這裡有澳洲熱賣的西瓜草莓蛋糕,艷紅的賣相,入口清甜不膩,配埋舒服環境,可以在這兒慢活一個下午。

Signature-tastic(西瓜草莓蛋糕) $58。 以清甜的馬來西亞西瓜,配上美國草莓和南非提子,酸甜不膩;中間會有三層自家調製的忌廉,不過忌廉不會好甜,又唔溜;再以杏仁碎做餅底,幾有咬口。
Signature-tastic(西瓜草莓蛋糕) $58。
以清甜的馬來西亞西瓜,配上美國草莓和南非提子,酸甜不膩;中間會有三層自家調製的忌廉,不過忌廉不會好甜,又唔溜;再以杏仁碎做餅底,幾有咬口。
All-day Breakfast $108。 店主話用了來自日本的薯餅,就算翻熱都仍然脆口;而記者就覺得加了黑松露的蛋好香和滑溜,毫不留情下就把它吃完了。
All-day Breakfast $108。
店主話用了來自日本的薯餅,就算翻熱都仍然脆口;而記者就覺得加了黑松露的蛋好香和滑溜,毫不留情下就把它吃完了。
一雙手,將代表快樂的氣球,送給可愛的動物們,令整個社會都美好,大家欣賞畫作之餘,也值得打卡留影喔!
一雙手,將代表快樂的氣球,送給可愛的動物們,令整個社會都美好,大家欣賞畫作之餘,也值得打卡留影喔!

Lifetastic
地址:西環石塘咀山道31-37號地下B舖(顯示地圖
營業時間:星期一至日:08:00-18:00
電話:5243 9851

延伸閱讀:

煲仔飯中式漢堡!大角咀5大地膽美食 |掃街王|

掃街王 | 屯門老街坊5大推介!懷舊冰室戰斧Size雞髀
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8
Android:https://play.google.com/store/apps/details?id=com.weekendhk.newsstand2&hl=zh_HK

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!
see first template

最新吃喝玩樂資訊