$100任食醬油蟹!!! 韓國地膽美食推介(上)
$100任食醬油蟹!!! 韓國地膽美食推介(上)

$100任食醬油蟹!!! 韓國地膽美食推介(上)

韓圜低處未算低,個個都想趁住假期去返轉,掃貨濕平之餘,仲要食勻今期首爾潮食。不過韓妹韓仔太花心,唔新鮮唔鍾意,前一陣子仲興梗的詹姆士芝士排骨,今日只係淨得遊客會去朝聖,換畫速度快過換囝囝。究竟今期韓國人食緊咩?就由一班韓國地膽帶路,推介心水餐廳,食勻最平,最好味的韓食!

地膽

掃街小食篇

香港地鍾意趕絕小販、小店,不過韓國小食檔就開到成行成市,遊客去到必定掃返一圈!街邊檔和小店仲會不時變變新花樣,一於由地膽介紹今期掃街之選!

人人爭住手臂伸延

Mozzarella 漢堡
拉芝度:★★★★★
近年韓國餐桌出場率最高的潮食,必定要數芝士!韓國人對芝士的瘋狂程度,由去年頭大熱的「詹姆士芝士排骨」,燒到今年都依然繼續「拉芝」!韓國快餐店Lotteria 去年底推出一款全新的水牛芝士漢堡,一開賣就憑住強勁的拉芝長度成為網絡熱話!漢堡標榜採用 99.9 % 全天然芝士,加上即叫即製,柯打之後要等約15分鐘,打開只見兩塊炸薯餅,原來其中一塊是薯仔皮釀入水牛芝士,輕易一拉,就做到拉芝效果,記者現場實測拉到30cm!不過,媽咪教落唔好玩食物,因為冷卻的芝士特別難入口,反而趁熱食,薯仔皮脆卜卜,加上芝士質感輕軟濃味,好感動!拉芝漢堡非期間限定產品,之後去開韓國都繼續有得食!

PAT
Model第一次試就拉到手臂咁長啦!
水牛芝士漢堡

水牛芝士漢堡(Double)
淨叫W5,300/HK$33,跟餐W6,900/HK$43
Double的不同之處就是多一塊漢堡扒,自認大食的可以挑戰!
餡料:(上至下) 薯餅、車打芝士片、漢堡扒、水牛芝士)
水牛芝士漢堡(薯餅)
水牛芝士漢堡(薯餅)
淨叫W4,500/HK$28跟餐W6,100/HK$38
漢堡沒有夾生菜和加沙律醬,食到一半已經開始覺得滯。
餡料:(上至下) 薯餅、車打芝士片、水牛芝士)
仁兄

呢兩位仁兄拉芝拉到七情上面,抵你哋紅啦!
拉芝
拉芝拉到咁,邊個夠你玩?
鬥拉芝比賽

一推出嗰陣,仲有鬥拉芝比賽。
model
Model都唔輸蝕,拉到超過30cm!
PAT

Blogger Pat
拉芝秘訣在於一定要熱,一拎到手就要即刻食,攤凍咗就無得玩!不過要玩亦唔好拉咁長,因為拉長芝士好快就凍,變凍後味道和口感都會大打折扣!
Lotteria快餐店
地址:官方網頁分店全地址
電話:+82(0)2-2265-0374
營業時間:24小時
備註:全線Lotteria有售

明洞芝士熱!

Kono Pizza 人氣手握Pizza卷

拉芝度:★★★
擁有10年歷史的韓國Pizza老店,去年中進駐明洞路邊小店賣pizza卷,5款口味即叫即整,皮身燒得香脆,我柯打的芝士味用上水牛芝士,拉芝力不算強,不過勝在味道濃郁!
Pizza卷
Margherita Pizza卷W6,000/HK$38

Margherita
見識過拉芝漢堡,呢個拉芝程度已經唔驚喜啦!
KONO PIZZA
地址:明洞8街39,明洞CGV側(顯示地圖
營業時間: 4pm-11pm(星期一至五)、
2pm-11pm(星期六、日)
前往方法:明洞站6號出口直行,於CGV旁

芝士糕串 板燒奶香年糕串

拉芝度:★
明洞的小食檔唔使畀「管理員」趕,仲可以光明正大在大街擺賣,吸引不少人排住隊等食。呢期最興的要數烤芝士年糕串,隨時都見到4、5個客排隊,老闆用平底鑊慢烤,加上煉奶,年糕口感煙韌,燒香的芝士奶味濃郁,連減緊肥的記者都忍唔住密密食。
奶油芝士串


奶油芝士串W3,000/HK$19
奶油芝士檔
地址:明洞8街2(顯示地圖
營業時間:每日5pm-11pm
前往方法:明洞站6號出口直行

梨泰院 啜啜啤一口牛扒杯

牛肉Combo
韓國男女都鍾意飲酒,連掃街小食都離唔開啤酒!去年底梨泰院開業的「Road Steak 」主打牛扒外賣杯,杯面放上即燒切成一粒粒的西冷牛扒、帶子、鮮蝦、車厘茄和薯菜,底部可以裝汽水或者啤酒,就可以邊行邊飲,毫不論盡!自從飲食節目《滋味行》介紹過,不少人排大隊都要試,成日都有人龍,記者柯打完都要等大概20分鐘先拎到!
西冷扒Combo
西冷扒Combo:W7,900/HK$50(配汽水),W8,900/HK$56(配啤酒)

雖然只係外賣杯,但牛扒不馬虎,入口肉香細緻,油份恰到好處,切埋一粒粒,方便拎住食。
店員
店員。南威俊/店長。高俊石
我們採用高級西冷牛扒,每日新鮮運到,每塊煎到七八成熟,如果你有特別要求亦可以在落單時講明。
飲啤

當街飲啤都唔會有人發現,絕對是保持淑女形象之選!
食客
店門外擠滿落完柯打、輪候外賣杯的食客。
Road Steak
地址:首爾市龍山區綠沙坪大路230(顯示地圖)
電話:+82-(0) 1899-5721
營業時間:11am-10pm
前往方法:綠沙坪站2號出口直行5分鐘,經隧道到對面馬路
網址:roadsteak.com

梨泰院 朱古力熔漿 Churros

綠沙坪大路小食店林立,最吸引的非連鎖店「Street Churros 」莫屬,開業2年依然有不少捧場客。經過早前韓綜《非首腦會談》再度炒熱,韓國人IG 又再被這一家的churros 洗版。經過店門已經傳來陣陣肉桂香,令人食指大動,主打的churros 即叫即壓再用新油炸至金黃色,灑上小量肉桂粉,沒有令人討厭的油膉味。口感鬆化,熱辣脆口的churros 配埋軟滑的士多啤梨雪糕,味道酸酸甜甜多重口感。

士多啤梨
朱古力漿churrosW3,500/HK$22
油炸的Churros 蘸上熱烘烘的朱古力,保留西班牙最傳統食法和味道。
朱古力漿

士多啤梨雪糕churrosW3,000/HK$19
店內另有雲呢嗱、蘋果和朱古力三款雪糕口味可選。
索尼客
Blogger 索尼客
首爾興咗churros成年,但人氣不減,愈開愈多。我食過咁多間之中,呢一間最值得推介,價錢唔貴之餘,即製的churros外脆內軟,味道一流!
Street Churros

Street Churros本店
地址:首爾市龍山區綠沙坪大路222(顯示地圖
電話:+82-(0)2-792-1489
營業時間:每日1pm-11pm
前往方法:綠沙坪站2號出口步行7分鐘
網址:streetchurros.com

明洞巧打耳熊大布朗尼

Line Friends
繼新沙和梨泰院分店陸續開幕,Line Friends 在去年12月在明洞又開多一間2層高的旗艦店,雖然店面面積無梨泰院大,亦都無Line café 畀粉絲坐低影相打卡,不過就勝在位置夠方便,坐落明洞大街,喺正衫店「Spao 」隔籬,基本上去開明洞都一定會經過。見到門口2層高的熊大公仔,粉絲一定舉晒白旗,走入去買到銀包大縮水。瘋狂掃周邊產品之餘,門口亦都有小食攤位,必搶熊大造型的迷你蛋糕或者Brownie,邊行街邊食一樣得。

linecake
熊大造型迷你蛋糕
W5,000/HK$31(8個裝)W8,000/HK$50(14個裝)
蛋糕新鮮出爐,趁熱食夠鬆軟,入面仲有奶油餡。
ivy

Blogger Ivy
迷你蛋糕最得意,暫時得明洞和梨泰院店先有得賣。加上細細粒最啱掃街食,不過奶油餡再多啲會更加好!
line
熊大朱古力布朗尼 W15,900/HK$100
布朗尼造型滿分,外脆內滑,不過朱古力味超濃厚,非極度嗜甜的人,建議搵返個朋友一齊share。
lineshop

小食店內有賣約10款甜品如曲奇、朱古力、cup cake等。

打卡PhotoSpots!

bear
PhotoSpots 1 入門必影!巨型熊大
cony

PhotoSpots 2 同Cony一齊賣萌
james
PhotoSpots 3 冧女情聖James
Line Friends Store明洞店
地址:首爾市中區明洞8街9(顯示地圖
電話:+82(0) 2-318-7942
營業時間:10am-11pm
前往方法:明洞6號出口左轉步行2分鐘,於「Spao 」旁

怒𩟔海鮮篇

人人皆知,韓國食海鮮比香港抵得多!但在地膽介紹之下,先知道咩叫做真正的平民價,超平大鍋海鮮,同埋唔使200蚊的食蟹放題,我見過!我真係見過,仲食埋㖭!

每位$100 55cm霸氣海鮮爐

香港人一年四季都愛打邊爐,韓國人唔興烚下烚下,不過就最鍾意食蒸海鮮鍋。年前的九層海鮮鍋贏盡話題,但講到當地人真心捧場的,就要數蒸海鮮鍋的連鎖店「」。他們主打的55cm 超大海鮮鍋絕對唔輸蝕, 出名又抵又足料。釜山本店在13年開業後,仲進軍埋首爾,就知當地人buy!

店內只賣蒸海鮮鍋,分四款不同大小,專誠來到當然要見識特級size 有幾特級啦!鍋內海鮮大部分由釜山每星期直送,有1隻花蟹、3隻鮑魚、5隻花扇貝、6隻大蜆、8隻帶子、數不清的青口、魷魚、圓蜆、名州貝和百合貝等等超過10款海鮮,巨鍋上枱後店長更在水槽即捕一隻生猛八爪魚放面先至蓋上鍋蓋開火,蒸煮15分鐘就可開餐!湯底以韭菜、洋葱、海帶和胡椒熬成,煮完一鍋海鮮都沒有腥味, 食到最尾加埋刀削麵, 吸收海鮮湯的精華, 每一啖都好鮮甜!特級大小只要W63,000/HK$395,我們一行5人飽到摸住肚腩離開,每人都唔使一百蚊!

海鮮鍋
小W38,000/HK$238
中W48,000/HK$301
大W58,000/HK$364
特級W63,000/HK$395

刀削麵
食到最尾已經好飽,但千祈唔好嘥,加多W2,000/HK$13,叫一份刀削麵,麵身吸晒海鮮湯的精華,絕對是必食之選!
兩個女仔食細鍋都好夠,如果食到一半嫌唔夠喉,可以畀多2萬圜加碼貝類。
兩個女仔食細鍋都好夠,如果食到一半嫌唔夠喉,可以畀多2萬圜加碼貝類。
店長。河青均:我們店內大部分海鮮都由釜山直送,每星期一、四都會到貨,想食最新鮮的,可以在呢兩晚幫襯!
店長。河青均:我們店內大部分海鮮都由釜山直送,每星期一、四都會到貨,想食最新鮮的,可以在呢兩晚幫襯!
天黑6點已經坐滿本地客,人氣爆棚仲要等位𠻹!
天黑6點已經坐滿本地客,人氣爆棚仲要等位𠻹!

Sug-ine Jogaejeongol

Blogger Ruby : 好多韓國朋友都介紹我食呢間,出晒名抵食又好味!首爾5間分店都集中平民住宅區,當中新道林店與永登浦只有一站之隔,距地鐵出口只有5分鐘路程,好方便。
Blogger Ruby : 好多韓國朋友都介紹我食呢間,出晒名抵食又好味!首爾5間分店都集中平民住宅區,當中新道林店與永登浦只有一站之隔,距地鐵出口只有5分鐘路程,好方便。

Sug-ine Jogaejeongol
地址:首爾市九老區九老洞 30-32(顯示地圖
電話:+82(0)2-861-6522
營業時間:5pm – 2am
前往方法:新道林站3號出口步行5分鐘

2萬圜有找!醬油蟹任𩟔

在香港食醬油蟹,一隻索價起碼二百蚊!即使在韓國傳統醬蟹店,價錢亦相差無幾。但位於麻浦區廣興倉站專門食醬油蟹的「」,一個人最平只要W15,900/HK$100,就可以無限refill、無限時任食醬油蟹和辣蟹!店內亦提供其他任食package,貴少少一人W19,900/HK$125, 仲包埋蟹湯任叫和3隻醬油蝦𠻹!

食醬油蟹最忌一味死鹹,但這裡的蟹味鮮甜,蟹膏亦都不少!
食醬油蟹最忌一味死鹹,但這裡的蟹味鮮甜,蟹膏亦都不少!

以為平嘢無好?食落好有咬口!吮一啖,蟹肉連同醬汁入口,鮮甜不帶腥。一邊食一邊懷疑點解咁平?老闆親自解畫,用的蟹偏小,每隻約4両重,不過蟹仔細細, 肉質卻出奇地飽滿,醬油的香味更能充分滲透入內。所有蟹來貨自仁川,經過最少3日醃製,先會畀客人食,夠晒入味。每次收到客人 refill 柯打後,再從冰櫃取蟹,即場拆蟹逐隻抹上秘製醬料,亦都保證衛生。如此高性價比,所以開業未夠一年,在本地客之間已經甚有名氣。記者採訪當日,平日午飯時 段全場爆滿,場內八成都是附近街坊。蟹癡一定要把此店放入行程之內,提前在午飯、晚飯時間之前到達,仲唔使等位𠻹!

醬油蝦味道鮮甜啖啖肉,不過任食價只包3隻,要encore每隻W1,500/HK$9。
醬油蝦味道鮮甜啖啖肉,不過任食價只包3隻,要encore每隻W1,500/HK$9。
辣蟹上沾滿辣醬,辣得來帶微甜,好惹味。不過太辣蓋過蟹鮮,比較適合嗜辣朋友的口味。
辣蟹上沾滿辣醬,辣得來帶微甜,好惹味。不過太辣蓋過蟹鮮,比較適合嗜辣朋友的口味。
蟹湯夠足料,鍋內有完整一隻蟹和大量芽菜,不會因為任食而馬馬虎虎,每一口都鮮味十足。
蟹湯夠足料,鍋內有完整一隻蟹和大量芽菜,不會因為任食而馬馬虎虎,每一口都鮮味十足。
老闆 李在熙:我們在弘大有另一間分店,不過分店不提供醬蟹無限refill,要歎大件夾抵食 的,就要識路嚟本店啦!
老闆 李在熙:我們在弘大有另一間分店,不過分店不提供醬蟹無限refill,要歎大件夾抵食
的,就要識路嚟本店啦!

 

首爾人。李在赫:平時食醬油蟹好貴,但呢度價錢平民,成日幫襯都唔肉赤。
首爾人。李在赫:平時食醬油蟹好貴,但呢度價錢平民,成日幫襯都唔肉赤。
Blogger 索尼客: 在韓國傳統街市食醬油蟹最平,一隻約1萬圜就有交易。不過擔心衛生程度的,去專門店較有保證,在這裡食兩隻已經回本!我呢次食足6隻, refill 兩次,阿朱媽店員都無黑面!
Blogger 索尼客:
在韓國傳統街市食醬油蟹最平,一隻約1萬圜就有交易。不過擔心衛生程度的,去專門店較有保證,在這裡食兩隻已經回本!我呢次食足6隻, refill 兩次,阿朱媽店員都無黑面!
店子位於住宅區,大多數係街坊客為主。
店子位於住宅區,大多數係街坊客為主。

Kkochgelangs Saeulang

Kkochgelangs Saeulang
地址:首爾市麻浦區玄石洞 1-9(顯示地圖
電話:+82(0)2-706-2828
營業時間:11am – 10pm
前往方法:廣興倉站4號出口步行10分鐘

$187 無限時爆蟹膏放題 無限refill!

要在首爾食新鮮的海鮮,不一定要在鷺梁津市場被人劏。過兩個站的永登浦,位置唔算隔涉,可以行完永登浦地下街,再行5分鐘去到樓高三層的食蟹專門店「」,用W29,800/HK$187任食韓國紅蟹,圍起唔使兩嚿水,呢口價已經抵到爆啦!一入店門,已經見到裝滿水槽的紅蟹,另有皇帝蟹、松葉蟹和龍蝦等海產則按時價收費。老闆話每2日, 就會由江原道束草入貨, 保證新鮮。所有蟹都是即叫即蒸,落柯打之後等15分鐘左右,大大隻的紅蟹終於上枱,隻隻都起碼有600g!老闆示範一次拆蟹後,我們立刻開動,話都唔多講一句,食到舐晒脷,蟹膏肥美滿滿,食落鮮味十足。蟹腳肉鮮美結實,雖然份量比不上長腳蟹,但肉量亦都不少!當日食足兩輪,一人至少食6隻先肯收手,不過都比唔上隔籬枱的本地客,成枱蟹殼起碼一人食足十隻!唯一挑剔是任食紅蟹比較單調,另叫蟹湯和蟹飯先滿足,不過價錢都唔算貴。

紅蟹
(左)韓仔 朴太成:呢兩年首爾的無限refill店愈開 愈多, 燒肉、燒貝的就見得多,但紅蟹價格比較貴,做到任食紅蟹的真係好少有!呢一間紅蟹足料又好味, 唔係得個大字,而係好有蟹鮮味,絕對要推介畀朋友。
拆開蟹身就見到淡黃色軟膏,糯軟濃稠,蟹味濃郁甘香。
爆蟹膏!拆開蟹身就見到淡黃色軟膏,糯軟濃稠,蟹味濃郁甘香。
所有蟹即叫即蒸,每次Refill要等15分鐘,不過唔做大嘥鬼,食完先至再嗌。
所有蟹即叫即蒸,每次Refill要等15分鐘,不過唔做大嘥鬼,食完先至再嗌。
蟹湯拉麵W5,000 /HK$31,午市時段最受本地人歡迎,平平地就有蟹食,湯底鮮辣。
蟹湯拉麵W5,000 /HK$31,午市時段最受本地人歡迎,平平地就有蟹食,湯底鮮辣。
蟹飯W3,000 /HK$19,加入蟹肉、芝麻炒飯,味道不算香,反而飯焦底更驚喜。
蟹飯W3,000 /HK$19,加入蟹肉、芝麻炒飯,味道不算香,反而飯焦底更驚喜。
水槽內的紅蟹堆到爆一爆,店員即撈即蒸,隻隻都好生猛。
水槽內的紅蟹堆到爆一爆,店員即撈即蒸,隻隻都好生猛。
店內亦有賣皇帝蟹,不過以時價計1kg要W87,000/HK$550, 價 錢唔算抵,疊埋心水食紅蟹放題已經足夠。
店內亦有賣皇帝蟹,不過以時價計1kg要W87,000/HK$550, 價錢唔算抵,疊埋心水食紅蟹放題已經足夠。
店員見我們食得狀甚狼狽,都忍不住前來幫手示範拆蟹。
店員見我們食得狀甚狼狽,都忍不住前來幫手示範拆蟹。
老闆 曹今蘭:20年以來一直主打做開生魚片和皇帝蟹的生意,在去年 9 月先開始做埋任食紅蟹,食客反應勁好,之後都會一直做落去!
老闆 曹今蘭:20年以來一直主打做開生魚片和皇帝蟹的生意,在去年 9 月先開始做埋任食紅蟹,食客反應勁好,之後都會一直做落去!

Daege Jaldoeneun Jib

Daege Jaldoeneun Jib
地址:首爾市永登浦區永登浦4街98-12 (顯示地圖
電話:+82(0)2-267-3397
營業時間:10:30 am – 2am
前往方法:永登浦站3號出口步行5分鐘

首爾好食地圖

今期介紹過的小食及暴 食可以跟住呢個地圖去 鯨吞:goo.gl/yqtLLZ
今期介紹過的小食及暴食可以跟住呢個地圖去
鯨吞:goo.gl/yqtLLZ

 
延伸閱讀
70款草莓甜品任食! 韓國地膽美食推介(下)

最後召集! 復活清明假期5大抵玩套票

延伸閱讀:輕鬆平遊首爾!$500入住明洞新淨酒店

0任食醬油蟹!!! 韓國地膽美食推介(上)

最新吃喝玩樂資訊