爆芝手打牛堡
爆芝手打牛堡

$40本地爆芝士手打牛堡!!! 大窩口親民小食部 |荃灣有咩好食|

旅遊

廣告

荃灣多美食就大家都知,但今次同大家介紹嘅舖頭,表面上可能無咩特別,行過咗都唔知,但原來暗藏美食!由大窩口行過去唔駛十分鐘見到呢間好似小食部嘅舖頭,除咗有即叫即燒燒物,仲有唔少Blooger都推介過嘅爆芝士手打牛堡同黑松露芝士玉子燒,見到啲芝士流漿咁,不禁流曬口水,價錢仲要唔貴,真係要講句,好抵食呀!

1. 本地手打牛肉芝士瀑布漢堡 ($40)

呢個芝士瀑布牛肉漢堡真係夠曬誠意,包如其名,芝士真係好似瀑布咁流出嚟!

咬開後,芝士仲有拉絲,裹面嘅手打牛肉仲要充滿肉汁。

攞開頭個層漢堡,就會見到傳說中嘅芝士拉絲!Blogger 大仁生活都推介過呢間店舖。

2.平民黑松露小食 芝士黑松露玉子燒($28)

平時要食黑松露嘅小食,價錢都好貴,唔捨得食,但今次有福啦,呢個芝士黑松露玉子燒只係需要$28就食到,仲要落足料,係咪好抵食呢~唔想食黑松露,佢仲有$15嘅芝士玉子燒,芝士同樣流漿咁,最啱芝士狂迷!

3.即叫即燒 抵食燒物

平時要食放題先食到嘅香煎一口牛,依家$22 有成十幾粒,抵食!

羊架即叫即燒,只需$20,睇落都啖啖肉,好抵食呀!

4.親民小食彈牙魚蛋(20/18粒)

魚蛋同平時食開嘅唔同,唔係金黃色而係白色,魚蛋炸過,外皮脆,入面都幾彈牙!

呢間路邊小食部,除咗好食之外,原來仲係社工為協助年青人投入社會嘅木人巷,果然係一間良心小店!不過唯一嘅缺點就係因為店面比較細,就要企係度或者用高櫈食。

鮑記大食部
地址:荃灣荃華街36-48號富麗花園B商場地下38A舖(顯示地圖
營業時間:11am – 12am(星期一至五); 10am – 12am(星期六、日及公眾假期)
延伸閱讀
唔駛$70! 全港4大抵食蒲燒鰻魚飯 ~ 油香肥美!
黐線吸引! 流心+千層蛋糕! Instagram小店獨賣