搶平機票新攻略! HK Express出醒目訂票App
廣告
喺香港地講到廉航，相信應該無乜人未聽過HK Express。上個星期，HK Express推出咗首個App（Android & iOS），提供辦理登機手續、航班預訂、查詢航班、航線圖資訊等等服務，對乘客嚟講真係帶來方便。最重要嘅係HK Express宣佈未來更會推出只限手機App用戶先拎到嘅優惠，想平平地旅行飛多轉，就要Down定個App啦。等我地一齊睇下App嘅介面啦！
平時去櫃檯Check In，要排隊就唔駛多講。不過HK Express今個手機App真係度自己身訂造，點解？由於廉航好多時都係唔包行李寄艙服務，要的話就要加錢。所以，好多時買得廉航嘅乘客一是為了慳錢、二是為了快捷登記而選擇唔買行李寄艙，只係帶手提行李直接上機，咁就唔駛排隊。而今次新手機app就提供電子登機證服務，大家只要在app中預辦登機，下載到登機證嘅QR Code，就唔需要有實體嘅登機證，直接離境Show QR Code畀安檢睇，過關就快捷得多。
新App重點：預先載入乘客資料 搶機票夠快！
當然，大家可以透過呢個App預訂航班，基本上同網頁版操作一樣，先揀日期、地點，再選擇航班，輸入個人資料，購買行李及其他服務，最後付款。雖然其他航空公司都有類似嘅手機程式，不過通常都係要登記做會員，而程式中只能預先載入登記者的身份。而HK Express程式的好處，係可以預先輸入多個個人資料，例如姓名、出生日期、護照號碼等，方便大家搶特惠機票嘅時候，可以好快咁撳一個制入晒同行友人嘅資料，即時confirm機票。唔駛慢慢打名add人入個訂機票List，一定快人一步。
HK Express話到明會有App專屬嘅優惠，講到當有優惠推出，大家都知系統會Load得好慢，嗰陣爭取時間係首要任務，到時你就個佢嘅好用之處。
HK Express手機程式：IOS / Android
延伸閱讀：
LINE App《 Foodie 》! 擺明要你相機先食
路痴都變韓國通! 新推出中文版韓國地圖App
