跟韓星變髮  唔駛漂都染到最潮灰系髮色!
跟韓星變髮  唔駛漂都染到最潮灰系髮色!

跟韓星變髮 唔駛漂都染到最潮灰系髮色!

心思思想學韓星染到成頭銀灰色,但係又唔捨得漂頭髮,又怕染完返唔到工?原來唔一定要漂先可以整到灰色、粉紅色呢d韓味十足嘅髮色,近排興起嘅染色髮泥都一樣可以做到!

韓星 漂髮 染色 髮泥 灰色

 

人人都知漂頭既傷頭髮,又傷荷包,今次介紹嘅染色髮泥就唔同喇,100蚊左右就有交易,而且仲係一次性,玩完一日洗返頭就還原髮色,唔怕返工畀腦細鬧~

最常見嘅有日本牌子Silver Ash同埋台灣牌子KA’FEN嘅銀灰革命系列,只要取出適量髮泥,緣雙手均勻地塗於頭髮上,再抓髮就完成。

韓星 漂髮 染色 髮泥 灰色
(官方圖片)

除咗灰色,仲有粉紅、藍、紫等等大熱顏色,唔駛漂都可以有超靚嘅銀河系髮色。

韓星 漂髮 染色 髮泥 灰色
(網上圖片)

但係人哋整就咁靚,到底自己又係咪真係整到呢d效果呢?我哋嘅記者們就由坊間嘅水貨店購入咗兩個牌子嘅染色髮泥,染畀大家睇!

染色髮泥試用報告

搵咗成個旺角嘅水貨店,都搵唔到日本嘅Silver Ash,台灣代表KA’FEN都只係得一兩間有賣,反而發現原來好多舖頭賣嘅都係中國製嘅「三個魔發匠」,所以決定都買返嚟試吓,睇吓質素如何~

韓星 漂髮 染色 髮泥 灰色
左:三個魔發匠 $88/盒 右:KA’FEN Silver Gray Revolution $149/盒

KA’FEN Silver Gray Revolution

KA’FEN嘅髮泥質感似cream,比較稀所以算易推開,都可以輕鬆塗得均勻,所以上色都算幾靚~不過話就話似cream,不過始終都係髮泥,所以摸落都係有d黐立立,但係10分鐘就可以做到呢個效果,都算係咁啦!

韓星 漂髮 染色 髮泥 灰色
輕輕塗抹可以做到右圖嘅霧感效果,如果想實色d就要再用多d髮泥喇~
如果用漂過嘅頭髮上色,就直頭會變咗白色添!
如果用漂過嘅頭髮上色,就直頭會變咗白色添!

除咗灰色,我哋亦買咗同系列嘅粉紅色試一試,都幾上色幾靚!

韓星 漂髮 染色 髮泥 灰色
輕輕塗咗少少就好上色,而且出嚟嘅效果似灰粉紅,正!

均勻度:★★★★☆
上色度:★★★★☆
抵買度:★★★☆☆
推介度:★★★★☆

三個魔發匠

三個魔發匠用落質感似髮泥,比較難推開,唔易塗得均勻,而且灰色唔太顯色,相對亦難用d。

韓星 漂髮 染色 髮泥 灰色
不過灰色令到本身嘅紅色頭髮變咗灰灰哋,又幾靚喎~

除咗灰色之外,亦買咗藍色、紫色,如果用嚟做highlight都唔錯~

相比起灰色,其他顏色似乎比較顯色~
相比起灰色,其他顏色似乎比較顯色~

均勻度:★★☆☆☆
上色度:★★★★☆
抵買度:★★★★☆
推介度:★★★☆☆

男仔都一樣得~

話到明係髮泥,平時都係短髮用多,所以我哋就搵嚟短髮嘅男同事,睇睇效果如何~

髮泥較多嘅位置比較灰,而其他位就有霧感~
髮泥較多嘅位置比較灰,而其他位就有霧感~

男同事表示,除非係整all back頭,如果唔係反而覺得呢種髮泥比較適合女孩子,因為要上到成個頭變色需要大量髮泥,所以要整all back頭先得。相反,女孩子可以選擇highlight,咁就既方便又快捷喇。

延伸閱讀
大熱韓劇《奶酪陷阱》主角都用! 紅酒樽唇彩試用報告
立即變身韓妹幼腿!令你目測瘦3kg 韓國黐線褲
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8
Android:https://play.google.com/store/apps/details?id=com.weekendhk.newsstand2&hl=zh_HK

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!
see first

最新吃喝玩樂資訊