【主題樂園 + 浮潛 + 抱袋鼠】$4,890新航線!快閃玩盡昆士蘭懶人包@Travel佳

博客

廣告

(Presented by Hong Kong Airlines)

Travel佳成日都話,去旅行一定要識得Smart Spending!查實,Smart Planning亦「飛」常重要,試問大家請假都要睇老細面色嘅工作族,難得有個假期仔,梗係要plan得好、玩到盡,一分鐘都唔好浪費啦!問題係,得3日假期又想衝出亞洲有冇辦法?阿佳就留意到香港航空新推出嘅昆士蘭巡環綫航班,由香港出發飛到黃金海岸,亦可逗留黃金海岸再經開恩茲直飛香港,每周兩班。

換句話講,就算你只係請得3日假期,一樣可以衝出亞洲,任揀黃金海岸或開恩茲其中一地(星期六在香港出發,星期三抵港);如果你可以請足5日,湊夠前後9日更可以玩盡兩地(星期六出發,下一個星期日抵港),來回未連稅都只係$4,890起,海陸空室內室外任你玩到飽, 加上昆士蘭當地物價較悉尼、墨爾本低,計落條數同去日本真係差唔多!不過,聽落就條數雖然唔算太貴,但阿佳都明白,有乜嘢玩先係最實際,其實兩地絕對唔係大家想像中嘅澳洲咁悶,分分鐘唔夠玩仲想Encore多一轉添!今次等阿佳同大家推介當地有乜嘢必玩必食必買,大家買張機票就可以hea遊當地!

黃金海岸 動漫迷天堂

講到黃金海岸,一定要先提提區內多個主題樂園,包括華納片場、DreamWorld、SeaWorld等等,亦有大型水上樂園Wet’n’Wild和White WaterWorld等等,足夠大家玩足3日3夜!先講華納片場,係澳洲唯一嘅電影主題公園,入面有合共20多個華納電影卡通作主題嘅機動遊戲同場景,包括蝙蝠俠、賓尼兔、Superman等等,要玩過山車、激流又得,想靜態啲睇下巡遊同最新開設嘅Looney Tunes 4D影院亦得!

2

嫌未夠好玩?黃金海岸仲有全澳洲最大嘅主題樂園DreamWorld,入面有齊史力加、功夫熊貓、Madagascar等卡通人物嘅主題景區,當中更有9大最刺激嘅遊樂設施,更加有超過800種不同動物嘅動物園。如果想同海洋生物零距離接觸,另一個主題公園SeaWorld就更加不能錯過,現場仲可以睇到來自南極嘅國王企鵝,一家大細就最啱喇!

3

360°海陸空 睇極長海岸

講到黃金海岸最著名,當然係數十公里長嘅沙灘,而市中心最熱鬧嘅Surfer’s Beach就更加係唔可以錯過。不過,如果你唔係滑浪愛好者,或者嫌沙灘漫步單調,又想親近一下呢條咁靚嘅海岸綫?可以考慮去到全市最高嘅Q1大樓!呢度嘅77至78樓係一個觀景台,但最好玩當然係可以參加Sky Point Climb嘅Tour,沿住大樓外置嘅頂架爬到大廈之巔,欣賞整個Gold Coast嘅超藍嘅海岸綫…當然,前提係要唔畏高先啦!

7

澳洲罕有 手抱樹熊

嚟到澳洲,當然唔少得兩隻國寶級嘅動物袋鼠同樹熊啦!但係,你未必知道昆士蘭係澳洲少有嘅省份容許大家手抱袋鼠㗎!喺黃金海岸,唔只有得玩水同玩主題公園,只要你去到Currumbin Wildlife Sanctuary就可以親手抱抱樹熊。當然,如果你想餵袋鼠同埋彩虹鸚鵡,或者睇下昆士蘭多種獨有嘅動物都一樣得啦!

5

大堡礁 水底無限玩

講到開恩茲,海底世界當然係最大焦點,入門級嘅體驗浮潛當然只係需要簡單嘅浮潛裝備,只要個頭一落水就可以比無數珊瑚同熱帶魚群大包圍。但要欣賞海底世界,就算唔識游水一樣有大把玩法,你既可以駕駛水中電單車追住魚群,亦可以參加local tour,乘直升機去無人島上,浮潛、深潛加日光浴,享受完全私密空間。玩水,從來都應該係咁flexible。

11

開恩茲 市集由朝掃到晚

其實,嚟到開恩茲一樣可以Shopping! 昆士蘭就最多呢類型嘅市集。日間可以去Rusty’s Market買下時令水果,昆士蘭嘅巨型紅芒出晒名好食,冇渣爽口又香甜,價錢更只係香港嘅 1/3,臨上機成箱買番香港就最一流。而入夜後,Cairn’s Night Market就係大家掃貨嘅熱門地,想買下原住民嘅特色工藝品,或者係手作產品都可以喺度搵到!嗱!澳洲真係盡是不同㗎!

8

查詢及訂票: http://www.hongkongairlines.com/new-routes/tc/australia.html

香港航空香港往來黃金海岸/ 開恩茲定期航班服務詳情如下:

航線 起飛/抵達時間* 航班號* 運作時間
香港至黃金海岸 21:50/ 08:30+1 HX015 逢周二及六
黃金海岸至開恩茲(停留#) 10:00/ 12:30 HX016 逢周三及日
開恩茲至香港 13:45/ 19:10 HX016

*全部為當地時間;有待相關機構批准
-不包括其他有關稅項及燃油附加費。
#往返黃金海岸及開恩茲間之內陸航線不作發售