$4,188坐高質土航！ 復活節飛荷蘭賞花

近期歐洲機票大減價，唔止大陸機，連口碑好的土耳其航空都劈價！土航屬老牌公司，一向評價甚佳，飛機餐大大份又有特色，長途機有拖鞋枕頭提供，試搭過的網民更大讚空姐靚服務好！土航今次賣大包，5月底前飛巴黎、羅馬、蘇黎世等地都有特價，但記者做過人肉搜查，發覺最筍係飛荷蘭，以3月20號出發27號返為例， 撞正當地花季兼復活節， 來回機票連稅亦只售$4,188，比同級數的阿聯酋航空平8百幾！另外，其他日子亦搵到平飛，但清明節和勞動節前後就無喇，復活節前飛最抵！優惠做到3月11日，想去就快扑鎚喇。