矢場味噌豬扒
矢場味噌豬扒

名古屋矢場味噌豬扒! 殺入台北

旅遊

廣告

嚟緊去台北嘅朋友仔又有口福啦,事關來自名古屋近70年歷史嘅矢場味噌豬扒(矢場とん) 已經登陸台北!仲未聽過?但係炸豬扒狂迷就一定聽過!矢場味噌豬扒人氣程度爆燈,近年更成為咗「名古屋必食之物」之一!早前喺名古屋食過嘅網民更表示,呢塊用上等南九州嘅國產豬五花肉炸的豬扒,配上鹹中帶甜之味噌醬汁,簡直係極品中嘅極品!講完之後都即刻去試下係咪真係好食到呢個程度!好在而家唔駛飛咁遠,坐一個鐘飛機就到嘅台北就食到,Bookmarked!(記者:又無香港份……)

味噌里肌豬扒

呢款就係邪惡之名物-矢場味噌里肌豬扒啦!矢場嘅里肌豬扒為豬隻背脊至後腰部分,肉質結實且油份高,此上等級嘅豬肉賣點為勁Juicy,所以配上炸衣都唔易食膩;加上紅味噌嘅配合,應該好易食完一碗飯!

呢個size唔夠食?台灣店亦有推出特大size,豬扒份量為普通版本嘅兩倍!仲可以一邊味噌,一邊特製豬扒醬,雙醬齊上,一試過食哂兩種味!另外,亦可加配定食套餐,有齊潰物、米飯同豬肉味噌湯,食完實捧住個肚走!

鐵板味噌腰內豬扒

同為腰間部分嘅腰內肉,雖然次於里肌肉一級,但係熱量係各豬隻部分中最低,肉質亦較細緻,豬扒狂迷嘅朋友不妨一試!

矢場とん唔止得炸豬扒出名㗎,呢度仲有其他單點炸物都好得食客歡心~嘩!睇嚟真係去食之前真係要飲定杯涼茶打底!

招牌特大虎蝦

差唔多間間和食屋都一定會有炸蝦呢味菜式,但嚟到矢場とん,又想試試佢地嘅炸粉夾蝦嘅效果會係點!

 

鮮肉蘆荀卷

以薄薄嘅肉片包住蘆筍,感覺上無咁熱氣嘅!

矢場とん喺今個星期(至2月21日),一連四日都有開幕嘅限定優惠,就係優惠當日頭100名食客入店消費即可免費得到小食一碟,錯過咗頭兩個優惠唔緊要!今個星期六、日去都有得享用,嚟緊會去燉豬肉同蟹肉炸餅,都唔錯喎!快啲通知呢兩日將會或已經身處台北嘅朋友仔啦!

趕唔切呢兩日去嘅朋友仔唔緊要,趕得切喺嚟緊呢個禮拜去嘅都有嘢帶得走嘅~食夠港紙$140就可以拎到隻鋪頭icon嘅豬仔杯,食夠$350就有豬仔環保袋,記者表示好想要隻豬仔杯呀!

矢場味噌豬排東門店

地址:中正區信義路二段171號1樓(顯示地圖
電話:02-2341-8810

延伸閱讀:

台北肉海 吉列豬扒特盛!【台北】

|18區掃食|西灣河發現 4吋厚巨型豬扒包

【中環】衝破日菜界限 平食炸豬扒×擔擔麵