麥當勞
麥當勞

熱香餅配SKIPPY花生醬? 麥當勞餐免費轉粟米

旅遊

廣告

食麥記食足幾廿年,對於大家份「老麥之友」嚟講真係好驚會悶,個Menu直情失咗憶都背到出嚟。店方為免大家真係太熟悉,到時到候都會推出新plan混淆下大家的記憶,好似今次咁,新食品有些是舊酒新瓶、有些是全新配搭,都算係俾啲新鮮感大家。

熱香餅夾SKIPPY花生醬

首先介紹一下全新配搭,以往熱香餅餐只會配糖漿一款,而今次全新配搭就多咗3個選擇,分別為朱古力醬、士多啤梨醬及最爆嘅SKIPPY花生醬。記者估記前者的朱古力醬同士多啤梨醬,味道應該同雪糕新地所用的味道差不多,所以應該都算係穩陣之選;而SKIPPY花生醬雖然大家都食過,用嚟搽麵包一流,但今次用嚟配上熱香餅又夾唔夾呢?今次真係喺我哋新假期facebook等大家嘅意見!

早餐唔想食得咁膩,熱香餅仲有得揀士多啤梨醬,啱晒一班怕肥怕膩嘅女士們食呀!

 
嘩!仲有士多啤梨肉噃~

唔駛加錢 套餐直接揀粒粒粟米杯

今期第二個驚世之作,就係一直以來套餐只可配搭令人生痱滋嘅薯條,今次大家真係有得選擇…套餐除咗個包同汽水,第三項食品可以唔再係薯條,可以直接揀粒粒粟米杯,唔駛好似以前咁要加$4先有,大家可以從此同熱氣講Bye Bye。

麥記新包裝 更簡約

新嘢除咗有熱香餅花生醬,今次麥當勞連包裝及制服都換新,由之前黑色嘅制服轉紅、藍、綠、黃4隻顏色,喺新一年要有俾大家耳目一新嘅新形象!