澳門氹仔歎中菜@Dining娜

博客

廣告

撰文:Dining娜 攝影:Hong

(Presented by 帝影樓)

今個農曆年請2日放足9日假,有機會多幾日relax下,娜姐我又點會錯過?況且好耐無同爹哋媽咪去旅行喇,一於趁呢個機會去轉澳門,玩番幾手發個新年財之餘,當然唔少得食好嘢啦!

難得同兩老食飯,點可以隨隨便便?好彩我喺澳門都有啲connection,問一問朋友邊度有唔錯嘅粵菜,好多人都即刻推薦呢間帝影樓!呢間唔嘢少呀!係2016年米芝蓮推介餐廳之一,佢哋啱啱仲重新設計餐牌同換咗新嘅瓷器餐具,令成間粵菜館嘅格調再昇華!講到咁grand,就去試試佢!

去到帝影樓,午市時間啱啱開始。見到餐館嘅設計明顯花咗好多心思,以紅色、金色同白色作主色調,好stylish咁用咗水簾同大型圓形吊燈營造間隔,有中國風之餘,又唔老套!

WA_20160119_AltiraMacau-1_resize
由地毯到餐具,你會搵到好多雲同鶴嘅身影,令餐館華麗風格更加突出。
WA_20160119_AltiraMacau-2_resize_resize
連餐具都印有鶴嘅圖案。

餐廳對住澳門半島,一路享用美食,一路欣賞個靚view,真係無敵!事不宜遲,食咗先講!食粵菜,點可以無點心?

首先嚟個正宗菠蘿包,菠蘿包皮有粗粒砂糖,咬落去係陣陣香脆嘅甜味。包餡入面唔單止奶滑,仲有菠蘿肉粒,Surprise!

迷你菠蘿包
迷你菠蘿包

唔可以放棄任何一個養顏嘅機會!食過花膠都知,本身佢嘅味道比較淡,但呢一碟菜完全嚟個大反轉!麵條同花膠都非常入味,問一問先知,原來師傅用咗鮑汁醃製,而且麵條仲要自家製,寬度同韌度都perfect池!

WA_20160119_AltiraMacau-4_resize
薑蔥蝦子花膠撈麵

餐館招牌菜又點可以miss?見師傅推架餐車出嚟嗰時,真係一頭霧水,心諗唔係唱Happy Birthday呀?Oh My God!原來係即刻喺你面前火焰燒,現場表演show time!

火焰黑豚叉燒
火焰黑豚叉燒

黑豚叉燒採用西班牙黑毛豬,經過海鹽同玫瑰酒醃製,令肥美叉燒有一陣淡淡嘅酒香。

WA_20160119_AltiraMacau-6_resize
焰燒令叉燒皮薄脆,淋埋新西蘭出產蜜糖,香口加甜蜜,簡直係絕配!

唔好以為係中式甜品好老套,帝影樓將傳統甜品再打造,融入西式風格,十分有創意!

南瓜流沙球配核桃雪糕及五香脆餅
南瓜流沙球配核桃雪糕及五香脆餅

外形非常可愛,鹹水角質感嘅外皮,又脆又煙韌。一啖咬落去,南瓜餡隨即流出嚟。夾埋市面罕有嘅核桃雪糕同脆餅,冷熱口感都有,完全滿足到甜品控嘅訴求!

有機蛋白杏仁茶
有機蛋白杏仁茶

好多人都知杏仁有保健功效,但佢個味道就未必人人頂得順!呢款杏仁茶真係零舍唔同,師傅同團隊由揀選杏仁,到調校蛋白同杏仁嘅比例,足足用咗成半年時間。保留杏仁味清香,亦有蛋白嘅細滑,無杏仁露咁杰,更易入口!

帝影樓果然無令人失望,每道菜式都好有層次感,完全感受到師傅嘅心思,喺視覺同味覺上都有驚喜帶俾食客!

都係全靠啱啱幫我地即場燒黑豚叉燒嘅師傅-添哥,原來佢係帝影樓總廚,有超過24年入廚經驗!參加過好多中餐廚藝比賽,獲獎無數,仲通過國家職業資格考試一級認證,成為澳門少數攞到中式烹調高級技師專業資格嘅其中一人!佩服!佩服!

我仲8到餐館會定期更新餐牌,下次再嚟澳門,一定要同班姊妹再試過!

網址:www.altiramacau.com/tc/dining/detail/16/帝影樓

地址:澳門花城區廣東大馬路新濠鋒11樓(顯示地圖

聯絡電話:(853) 2886 8868