傳統賀年食品知多少?! 街頭訪問同學仔~最愛是…?!

新年,大家總會想到賀年糕品,蘿蔔糕、年糕、芋頭糕等,更年年推陳出新有新花款,卻少有提及賀年油器,較常吃到的也只有煎堆和蝴蝶酥等油器。至於客家圍村過年必備的寸棗、由中國南方傳到日本都有得食嘅角仔、繡球般的炸芋蝦等等,現今的小朋友其實見過未,食過未?今次我哋來個街頭訪問一班同學仔,請佢哋食傳統賀年油器,去片!

新年, 賀年食品
由於早已估計各位同學仔應該未食過,食過都未必識既賀年油器,所以預先就準備咗張大貓紙俾大家。
因為炸糖環外型吸引,各位同學仔都率先試食炸糖環。
因為炸糖環外型吸引,各位同學仔都率先試食炸糖環。
新年, 賀年食品
有小朋友扮食見過但係其實未見過咁多賀年食品,被在場姊姊當場踢爆,陰公。
新年, 賀年食品
唔單止同學仔,媽媽其實都唔係好知自己食緊咩…
新年, 賀年食品
同學仔唯一選中嘅係蛋散…
新年, 賀年食品
其他嘅都不停估錯…
新年, 賀年食品
不過結論就係,不論大小朋友都好鍾意食賀年油器!

很多人都愛的角仔,炸得十分香脆,角皮還帶陣陣麵粉香,花生芝麻餡甜度適中;客家圍村過年必備的寸棗,甜甜哋,脆卜卜,糯米味香,坊間少見的炸糖環也甜脆香口。店內亦找到近年新春流行的蝴蝶酥和杏仁條,牛油味濃,鬆化香脆,每磅$76,一磅兩大袋,很抵食。店家標榜的「鎮店之寶」芋蝦卻稍為失色,$50得四安士,跟老店陳意齋相若,幫襯過兩次,一次炸得過火,油味燶味重,另一次則火候剛好,品質不太穩定。油器賣點是去貨量快、夠新鮮。半磅起跳,可「兩溝」試勻多種口味。我們買齊十一種賀年油器,埋單不過三百大元,份量足夠十人吃。

大埔 平掃 年貨 03
大埔人熱捧的紅車厘麵包西餅,出名大件抵食夾好食。臨近過年還會推出賀年油器,放滿門外門口,款式齊,價錢平。

杏仁條 $76/磅
杏仁糖脆面配上厚酥,脆與鬆的配合,而且非常輕秤,買一磅有兩大袋。

蝴蝶酥 $76/磅
鬆脆得過分,層次分明。

牛耳 $48/磅
南乳味夠香,厚薄適中,夠脆。

笑口棗 $48/磅
笑口常開的笑口棗沾上芝麻,炸得金黃,甘香油潤。

炸糖環 $48/磅
糖環圖形一環扣一環,寓意環環相扣,生生不息。個頭略嫌過大,宜分享。

豆沙角 $50/磅
豆沙角外皮較煎堆厚,少了芝麻香,多一分紅豆香甜。

蛋散 $48/磅
蛋散炸得乾身不油膩,吃下去夠脆、夠香口。

角仔 $60/磅
油角炸得脆,內餡甜度適中,餡量飽滿,好吃。

寸棗 $48/磅
又稱春棗,是傳統福建小吃,混合麵粉及糯米粉等製成,外層裹著白砂糖衣,集甜香脆於一身。

煎堆 $50/磅
煎堆滿布芝麻,最好即買即食,凍了油份較多。

芋蝦 $50/四安士
吃一口,芋頭及香油縈繞口腔。

大埔 平掃 年貨 11
油器即炸即秤即買,十分新鮮。
大埔 平掃 年貨 10
每逢過年過節,檔口前盡是油器,人頭湧湧,氣氛熱鬧。
大埔 平掃 年貨 04
街坊•陳女士:呢頭買完煎堆,熱辣辣好好味,轉頭又買角仔,一買就兩磅,夠脆好香口。

大埔 平掃 年貨 33

紅車厘麵包西餅
地址: 大埔廣福里12-14號福昌樓3號地舖(顯示地圖
電話:2406 8885
營業時間:6:30am-11pm

延伸閱讀

【自助餐放蛇起底組】觀塘$108雞煲放題 食耐D平多D

煲仔飯中式漢堡!大角咀5大地膽美食 |掃街王|

最新吃喝玩樂資訊