死侍deadpool
死侍deadpool

睇死侍Deadpool前要知的8大秘聞(含劇透)| 光影星評@周優王

熱話

廣告

賴恩尼諾斯真係守得雲開:2009年演Marvel的死侍(Deadpool),只能在《變種特攻:狼人外傳》短暫亮相,今年終於以同一角色擔正,在《死侍:不死現身》演反傳統、衰格爛口的漫畫英雄。

不過電影個多小時,對死侍過去、現在的交待部分或從簡。就等我帶大家再從漫畫中「深入認識」阿爛口俠 ……

 

1. DC Comic 的A貨英雄?

《死侍》漫畫創作人Fabian Nicieza和Rob Liefeld成就這個搞鬼英雄時,覺得他跟DC漫畫《Teen Titans》內的Deathstroke模樣頗相似,便索性搞笑地將Deathstroke的名字Slade Wilson略改,便成死侍的姓名Wade T. Wilson。死侍可能因為知道自己名字由來,一顆自卑心令他更愛搞搞震!

死侍與Deathstroke同為僱傭兵,亦同樣是反英雄漫畫角色。

2. 死侍都要改名轉運?

說回死侍的名字Wade T. Wilson,原來又非其原名!他本名為Wade Winston Wilson,一次他當僱傭兵執行任務時,行刺對象咁0岩同佢同名同姓,又叫Wade T. Wilson,最後mission fail 更殺埋人地老婆。為避風頭Wade T. Wilson改名為T-Ray避難,死侍仲霸埋人地個名黎用。

3. 同狼人打出真感情

在之前《變種特攻:狼人外傳》中,死侍與狼人都有自癒能力打餐飽。而最初Wade T. Wilson因患上癌症而自願參與實驗性計劃Weapon X,所注射的因子與狼人接受實驗時的一模一樣,計起上黎佢地都算得係「變種兄弟」。這兩個以暴力見稱的漫畫英雄,其實都算friend,不過死侍的賤口與爛笑話,就成日令狼人抓狂。

4. 死侍係為賴恩度身訂造?

漫畫中死侍為加拿大籍僱傭兵,身高6呎2吋。而演員賴恩尼諾斯本身亦是加拿大人,身高同樣是6呎2吋。不過死侍爛口又寸咀,唔知賴恩尼諾斯又係咪咁臭寸呢?不過點都好過綠燈俠咁「平實」啦!( 電影《綠燈俠》同樣由賴恩尼諾斯主演 )

5. 因為樣衰,所以黐線?

戲中講死侍參與Weapon X後,因癌細胞破壞他的皮膚組織而變得異常咁樣衰。而漫畫中嘅死侍更因此患上精神分裂症,經常自言自語。電影版就冇強調佢係黐嘅,不過佢就會打破銀幕框框,失驚無神同觀眾講嘢,以突顯其神經質。如此互動夠過癮吧!

6. 標準爛口鹹濕佬

死侍粗口爛舌,一切與性有關的字詞常常掛上口。事實上佢亦是一名好色之徒。接受實驗前的他視女友為唯一,但後來女友離開佢,放下、自在、搵食去!甚至瀕臨死亡邊緣,連女死神都視為目標!寧願做隻風流鬼,真係死性不改!

7. 蜘蛛俠同死侍原來好HEHE?

死侍一把臭口,令各路英雄買佢怕,漫畫中蜘蛛俠更時常成為其調戲對象。死侍常嘲蜘蛛俠的服式與其相似,間唔中又替自己或蜘蛛俠玩易服,再加埋露骨對白挑逗,估唔到佢連男色都唔放過!

8. 死侍不死身 最怕係…母牛?

死侍有無敵自癒不死身,就天不怕地不怕?非也!死侍亦有死穴:竟然是母牛!他一見到母牛,而隻母牛又咁0岩望住佢,佢就會周身唔自然,有種莫明奇妙嘅不安添,果然夠喪!