情人節
情人節

超方便炸牛奶蕉!肥媽3大甜品教你冧掂另一半

飲食

廣告

又就快到情人節,夜晚食完飯點少得食返個糖水,為甜蜜嘅一日畫上句號!但係你估唔駛排隊咩!?唔想企係到吹風掃興,不如跟肥媽《暖DD.食平D》學嘢啦啦!包你冧死另一半仲會大加分!分別有炸牛奶蕉(天婦羅版)、桃膠鮮百合燉奶同養顏椰汁南棗糕,仲唔快啲落手落腳整!

1. 炸牛奶蕉(天婦羅版)

牛奶蕉加粉漿炸完之後外脆內軟,簡單又易整,正!大家食個陣要睇住另一半,唔好俾佢辣親個嘴仔喔!

材料

牛奶蕉………….. 一梳
天婦羅粉………. 60克
肉桂粉………….. 20克
白砂糖………….. 40克

做法

1先將牛奶蕉meet皮,一開二…梗係中切啦。
2之後將白砂糖及肉桂粉搞暈, 另外天婦羅粉加啲清水開成粉漿。
3 香蕉先蘸白砂糖、肉桂粉,再蘸天婦羅粉漿。
4準備中大火滾油,將天婦羅蕉放入鍋炸至金黃色, OK!
5鍾意可加啲肉桂粉在蕉上!

2. 滋潤桃膠鮮百合燉奶

呢個桃膠鮮百合燉奶真係夠滋潤!大家日忙夜忙實會捱壞身子,整嚟慰勞另一半真係夠貼心!

材料

桃膠……… 60克
鮮百合….. 2個(洗淨,meet開)
蓮子……… 30克(洗淨浸水)
冰糖……… 50克
鮮奶……… 1公升

做法

1 先將桃膠洗淨浸至少6,7小時,浸軟後除去雜質,備用。
2 將所有材料放入燉盅內,加入鮮奶,放入煲中大火隔水蒸約45分鐘,食得!

3. 養顏椰汁南棗糕

對方想食啲中式啲嘅甜品的話,可以試下整千層糕。口感煙煙韌韌,就好似你地咁!

材料
南棗、粘米粉、砂糖、木薯粉、椰漿、紅糖

南棗粉漿材料
南棗………….. 五兩(大概160克)
木薯粉………. 200克
粘米粉………. 30克
白砂糖………. 120克
南棗水………. 400克

椰汁粉漿材料:
木薯粉………. 200克
粘米粉………. 30克
椰漿………….. 100克
白砂糖………. 120克

暖水………….. 200克

做法

南棗粉漿
1 南棗用清水洗淨,然後用大概800克水煮10分鐘,關火後把褒蓋蓋上。
2 待涼後,把南棗和水分開。南棗去皮和核,南棗水備用。
3 把400g南棗水加入白砂糖,加熱直至糖溶解,待涼備用。
4 用大概一半的南棗糖水開粉(木薯粉+粘米粉),備用。
5 把南棗肉和餘下的南棗糖水一起用攪拌機攪成南棗泥,然後加入粉漿裏,拌勻。

椰汁粉漿
1 把砂糖放進暖水裏,拌勻直至糖溶解,加入椰漿。
2 用椰漿水開粉(木薯粉+粘米粉),備用。

蒸糕做法
1 把方形9″x9″的糕模盤預先塗一層薄薄的生油在內,這會令九層糕容易脫模。

2 用湯勺倒一層粉漿 (南棗粉漿)100ml入模內蒸3分鐘。
3 重複兩種粉漿,蒸大約九層(十八層都得隨你喜歡)
4 待涼後取出切開,食得!

以上圖片來源:陸浩明facebook

延伸推介:

2分鐘自製朱古力蛋糕! 肥媽3大潮流食譜

日本卷蛋過江龍 首發靚料Fine Dining|灣仔有咩好食|

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..