湯水
湯水

情人節滋潤湯水-雪梨無花果章魚鮑骨湯食譜@Hilda 梁雅琳

生活

廣告

每到情人節,大家多數會諗到西餐,但其實喺冬天又凍又乾燥嘅天氣底下,煲一個滋潤嘅湯水去温暖另一半嘅胃,都一定會令佢非常感動。提到煲湯唔好以為好難,煲靚湯的貼士最重要係足料和煲得夠時間。

今次呢個《雪梨無花果章魚鮑骨湯》清清甜甜又滋潤,用鮑魚骨(即豬的腮骨)煲湯味道濃郁,食用口感有咬感像牛展,男友或老公一定會鐘意。今個情人節你都試下煲呢個清甜嘅愛心湯水啦!



《雪梨無花果章魚鮑骨湯》
材料:
雪梨……………………..2個
蘋果……………………..1個
鮑魚骨……………………..600克
無花果乾……………………..2個
蜜棗……………………..1粒
章魚乾……………………..1塊
粟米……………………..1條
水……………………..12杯

做法:
1) 鮑魚骨放入滾水中汆水三分鐘,盛起後沖淨備用。

2) 雪梨及蘋果去皮、去籽後切件。

3) 無花果乾切件;粟米去衣後洗淨。

4) 將所有材料放入鍋內,注入水後大火煮滾,轉中慢火煲2小時,完成。

 

貼士:
*鮑魚骨是豬的腮骨,肉比較多,是較受歡迎的部位,建議早上購買或先行預訂。

延伸閱讀:

[DIY甜品] 情人節 心心相印,愛心曲奇食譜@Tower Icing

懶洋洋”蛋黃哥”戚風蛋糕食譜…反正最後還不是會被吃掉@towericing