傻傻分不清楚@為何斯德哥爾摩沒有譚仔三哥
傻傻分不清楚@為何斯德哥爾摩沒有譚仔三哥

傻傻分不清楚@為何斯德哥爾摩沒有譚仔三哥

每到半夜三更唔著就會肚餓,晚餐時段又咁快飽,每日一到咁夜就好・後悔。以前要番工每朝起身嗰吓,都會憎自己琴晚點解唔早啲

講起野食,其實瑞典都幾多好嘢食,好就好在唔會吓吓deep fired咁冇新意。

就好似人所共知嘅肉丸咁,其實佢哋家家都有一套家傳肉丸recipe,通常佢哋識食就一定會食自己整嗰啲。圖入面就係程至美用家傳recipe整嘅肉丸,真係好好食!

記得啱啱嚟瑞典搬入程至美屋企嗰陣,佢帶咗我去Ikea,買完架撐必會喺Ikea食埋飯係咪。我order咗肉丸,心諗:肉丸,瑞典,Ikea,夠曬正宗呀!

然後一粒一粒啪入口勁enjoy,正呀喂,我仲同佢講好正宗好好味,而家諗番起成件事好低B。btw香港同瑞典Ikea嘅肉丸一樣味,係完全一樣,之前仲有傳聞香港Ikea肉丸係馬肉做,唔知真定假呢。

除咗肉丸仲有魚。

希靈魚,冇錯,食壽司上面有一層黃色一粒粒嗰種魚呀。明將同爭鮮都好似有。

不過呢度食法好特別,即開罐頭即食,配薯仔,又或者加埋其他食物切粒好似沙律咁。
味道比較腥,係瑞典都唔係人人鍾意。通常淨係夏天先會食,都理解嘅,冬天凍冰冰食乜罐頭。

啱啱好肚餓整咗麵豉湯,完全唔記得自己m到,加咗啲海帶……我好暈,早抖。

My homemade meatballs
My homemade meatballs

最新吃喝玩樂資訊