性價比高$10有找 新舖爆餡車輪餅!|美孚有咩好食|

美孚近年開了不少連鎖店,毫無新意食到厭,等咗咁耐,宜家終於有新嘢食喇!新店車輪餅小姐,賣車輪餅,即係日本大判燒為主,開業短短兩星期,已經有好多人幫襯!

好鬆軟!流心爆餡車輪餅

呢間餔的車輪餅除了有紅豆餡之外,還推出很多不同口味,如宇治抹茶、紫薯、香芋、黑芝麻等,唔洗淨係食紅豆咁乏味啦!車輪餅做得好鬆軟,而且每件車輪餅都好足料!

美孚_車輪餅小姐
一共有9款車輪餅畀你揀!
美孚_車輪餅小姐
每件車輪餅都爆餡,仲有流心車輪餅!(相片提供:Instagram @Hkfoodtalk )
美孚_車輪餅小姐_宇治抹茶味車輪餅
宇治抹茶味車輪餅,抹茶味濃郁,帶有回甘味,抹茶控必食!
美孚_車輪餅小姐_紫薯味車輪餅
紫薯味車輪餅,紫薯蓉不會太乾身,淡淡的紫薯味配合車輪餅,味道更出眾。
美孚_車輪餅小姐_香芋味車輪餅
香芋味車輪餅,香芋有少少椰香味,更有少少芋頭粒,口感不錯。
美孚_車輪餅小姐_黑芝麻味車輪餅
黑芝麻味車輪餅,味道像芝麻糊一樣!

必試!獨有朱古力皮車輪餅!

呢度唔單止有原味蛋皮車輪餅,仲有朱古力皮車輪餅,餡料當然都唔一樣啦!最受歡迎就係香蕉朱古力味車輪餅,用58%的朱古力加香蕉,一撕開成個心太軟咁,好邪惡呀!另外,麻糬草莓味Oreo車輪餅,食落好煙韌好有口感。

美孚_車輪餅小姐_香蕉朱古力車輪餅
香蕉朱古力車輪餅,D朱古力流哂出嚟,好吸引!
美孚_車輪餅小姐_麻糬草莓味Oreo車輪餅
麻糬草莓味Oreo車輪餅,熱食的話,麻糬會有拉絲效果!

 

情人節新口味!花生醬車輪餅

情人節將推出花生醬車輪餅,朱古力皮車輪餅內裡有香蕉、煉奶、花生醬同棉花糖。花生醬帶有少少咸味,正好中和返棉花糖的甜味,即使加了香蕉,亦不會覺得膩。

美孚_車輪餅小姐_Miss Banana
花生醬車輪餅,花生醬加香蕉,味道都幾夾!

車輪餅小姐
地址:美孚新村吉利徑19號50B7舖(顯示地圖,櫻島麵包餅店斜對面)
營業時間:11am-11pm
電話:66871093
延伸閱讀:
凍冰冰要歎杯熱朱!6款朱古力奶比拼|FOOD BATTLE|
殺到香港!抹茶雪糕蜜瓜包!仲有抹茶餐肉包?!

最新吃喝玩樂資訊