新年大掃除!10個整理收納小貼士!2秒摺衫法/自製防滑衣架/改造鞋盒|好生活百科
新年大掃除!10個整理收納小貼士!2秒摺衫法/自製防滑衣架/改造鞋盒|好生活百科

新年大掃除!10個整理收納小貼士!2秒摺衫法/自製防滑衣架/改造鞋盒|好生活百科

新年將至,又是時候要開始大掃除了!屋企愈來愈亂,執屋無從入手,不用怕!以下即刻教你10個收納小貼士,等你輕鬆執屋過肥年!

撰文:新假期|圖片:網上圖片

收納小貼士1:2秒省時摺衫技巧

有冇親身試過用呢個極速方法摺衫?首先,將衣服放平攤好,右手拿著衫頂、近衣袖的位置(圖:位置A),左隻手放在同一邊、衣服中心的位置(圖:位置B)。然後右手向下拉,像對摺般拉到衫的底部(圖:位置C),拿著衫頂和衫尾。之後左手向外拉,拉出來後拿起衣服,再摺一摺便完成!幫你慳返好多時間!

新年大掃除_收納小貼士
圖片來源:YouTube@DaveHax

影片教學:

收納小貼士2:File小幫手 拎衫唔會亂

一般人習慣將衣服一件件疊起,雖然好整齊,但從中間抽出衣物,或者搵衫嘅時候,就會令整齊嘅衫變亂七八糟。可以用紙皮箱同幾個file自製一個衣物收納盒,將紙皮箱兩旁打洞,file亦在相同位置打洞,將file放入紙皮箱,然後用繩將紙皮箱及file穿起便完成。

只要將摺好的衣服放入file與file之間,你再從中間抽出衣物,再唔會變得凌亂!

新年大掃除_收納
圖片來源:YouTube @婆媳當家

影片教學:

收納小貼士3:慳位直立式收納法

如果覺得整衣物收納盒好麻煩,可以改改放衫嘅習慣,用直立式收納,將衣物品摺好後打直放,再排列整齊。方便拎衫之餘,仲可以慢慢揀衫添!

tokimeki-kataduke
圖片來源:tokimeki-kataduke

收納小貼士4:1個衣架變2個!

平時飲完汽水後,可以將拉環留起循環再用!拉環可以將2個衣架扣住,同一時間可以掛兩件衫,新年買新衫都唔怕冇地方掛啦!

新年大掃除_收納
圖片來源:ideabottle

收納小貼士5:自製防滑衣架

女士們有唔少吊帶衫,如果用衣架掛起,吊帶衫會經常滑落好麻煩,又唔想買防滑衣架,宜家有辦法!只要將兩條橡筋扣在兩邊衣架,便可以阻止吊帶衫再滑落嚟喇!想再環保d,可以剪掉舊絲襪綁住衣架兩旁,掛好衣服後,將絲襪圈到衣架勾,亦有防滑落功能!

新年大掃除_收納
圖片來源:YouTube @jasmine
新年大掃除_收納
圖片來源:YouTube @jasmine

收納小貼士6:放帽子手袋妙法

帽子成日放埋一堆,好易令到帽子變形,真係好心痛!不妨試試於衣櫃加伸縮桿及掛勾,可以掛起你常用的帽,方便拎之餘仲可以慳返d位添!呢個方法亦都可以用嚟掛手袋。

新年大掃除_收納
圖片來源:YouTube @設計家
新年大掃除_收納
圖片來源:YouTube @設計家
掛袋都可以用呢個方法㗎!
掛袋都可以用呢個方法㗎!

收納小貼士7:1個衣架掛哂全部頸巾

收納頸巾都好講求技巧,將頸巾綁在衣架上,一個衣架起碼可以掛4、5條頸巾,方便你揀同拎,仲好整齊添!

新年大掃除_收納
圖片來源:diply

收納小貼士8:1個鞋盒輕鬆放2對鞋

覺得鞋盒好浪費空間?原來只要將佢做少少改變,令你拎鞋都方便d!將鞋盒斜切一半,將1對鞋放盒內,再將盒蓋蓋好,便可放第2對鞋上去,便可以做到此效果!

新年大掃除_收納
一個鞋盒放兩對鞋慳返唔少空間!(圖片來源:YouTube @婆媳當家
新年大掃除_收納
改造鞋盒仲可以放入鞋櫃添!(圖片來源:YouTube @婆媳當家

收納小貼士9:自製整齊電線盒

屋企有好多唔同長短的電線,一堆放埋一齊,想拎果陣又打哂結,原來用鞋盒同廁紙筒就可以將電線收納好!將較短的電線放入廁紙筒,然後將廁紙筒放入鞋盒,最後將長電線放入紙巾盒剩餘的空間,電線就唔會打結,好整齊!冇鞋盒的話,用紙巾盒都同樣做到呢個效果。

新年大掃除_收納
圖片來源:instructables

收納小貼士10:極方便!膠袋收納盒

屋企有好多膠袋又唔想掉,試試做一個膠袋盒,令你可輕易收納一堆膠袋!首先,將膠袋摺好,排成一字,然後將所有膠袋捲起,再放入紙巾盒。下次拎膠袋便輕以易舉啦!

新年大掃除_收納
圖片來源:YouTube @jasmine
新年大掃除_收納
圖片來源:YouTube @jasmine

 

最新吃喝玩樂資訊