澳門
澳門

$5焦糖燉蛋!窮遊澳門勁食8大美食@Poortravellers窮遊

博客

廣告

香港生活逼人,一到周末就好想逃離鬧市。想對自己好啲,可以花少少錢,過大海,去澳門吃喝玩樂!今次Blogger-Poortravellers窮遊,就去了澳門勁食8大美食。當中,有$5一杯焦糖燉蛋、韓式Isaac Toast,當然唔少得經典的豬扒包和禮記雪糕。即刻帶大家以窮遊價掃食澳門8大美食!

1. $5焦糖燉蛋!精緻甜品Café

$5一個Crème Brûlée,真係聞所未聞。咖啡店充滿森林色彩,落地玻璃櫥窗,出面已經見到入面嘅森系設計,真係想唱返首「載心冧喎元夜絲朵摸敵燒腰」

焦糖吉士布甸(MOP5) 細細粒用裝奶嗰種壺仔裝住,但其實都食到幾啖架。面頭嘅焦糖太厚,雲呢拿籽亦太少,不過5蚊其實要求啲咩。
焦糖吉士布甸(MOP5)
細細粒用裝奶嗰種壺仔裝住,但其實都食到幾啖架。面頭嘅焦糖太厚,雲呢拿籽亦太少,不過5蚊其實要求啲咩。
士多啤梨撻(MOP30) 足足有5大粒士多啤梨,底層有吉士,不過白色嗰啲cream就冇味嘅,要跟埋士多啤梨一齊食先得。餅底好實,整體唔甜
士多啤梨撻(MOP30)
足足有5大粒士多啤梨,底層有吉士,不過白色嗰啲cream就冇味嘅,要跟埋士多啤梨一齊食先得。餅底好實,整體唔甜
紫薯拿鐵(MOP42/熱;MOP45/凍) 試咗杯熱,附上太古黃糖一包,但其實唔使落已經夠甜。飲之前記得先攪勻,因為杯底其實有好多紫薯蓉,不過相對就犧牲咗幼滑度
紫薯拿鐵(MOP42/熱;MOP45/凍)
試咗杯熱,附上太古黃糖一包,但其實唔使落已經夠甜。飲之前記得先攪勻,因為杯底其實有好多紫薯蓉,不過相對就犧牲咗幼滑度

樂點咖啡
地址:澳門新橋(三盞燈/白鴿巢)鏡湖馬路72號臻華大廈地下(顯示地圖
電話:(853)6361 2723
營業時間:1200-2000

2. 韓式招牌火腿芝士Isaac Toast

招牌嘅就一定係火腿芝士味(MOP29),未試過就要試下,雖然唔係話相當出眾好味到嚇親人,但一諗起韓國人可以食呢個做早餐就好吸引。

安格斯牛MVP(MOP48)
安格斯牛MVP(MOP48)
安格斯牛MVP(MOP48) 呢個係澳門限定,每日限售50加至100個,相當受歡迎,即叫即整,牛肉用左秘製醬汁整,少少辣,肉質鮮嫩多汁,多士就一樣係用Isaac醬煎香過,仲有芝士、蛋、菜⋯大量配料,相當惹味。個Isaac蜜糖醬係係韓國新鮮運黎,一樣既味道。
安格斯牛MVP(MOP48)
呢個係澳門限定,每日限售50加至100個,相當受歡迎,即叫即整,牛肉用咗秘製醬汁整,少少辣,肉質鮮嫩多汁,多士就一樣係用Isaac醬煎香過,仲有芝士、蛋、菜⋯大量配料,相當惹味。個Isaac蜜糖醬係係韓國新鮮運黎,一樣嘅味道。

Isaac Toast & Coffee
地址:澳門龍㠐正街8D號𧙗生大廈地下A1座(舊司法局車庫對面)(顯示地圖
前往方法:議事廳前地過對面巷上/ 搭新葡京酒店巴士行去(會經過瑪嘉烈葡撻)
營業時間:星期二至日:0800-2000
電話:(853)2832 9993

3. 經典豬扒包咖啡室

嚟到澳門點少得豬扒包,呢間嘅豬扒包係食過咁多間覺得相當唔錯嘅一間!

秘製豬扒包(MOP28) 呢個豬扒包豬扒係連骨上既,但豬扒味道真心正,贏過大利多多聲,唔想食兩個包直表黎個厚蛋豬扒包都無問題
秘製豬扒包(MOP28)
呢個豬扒包豬扒係連骨上嘅,但豬扒味道真心正,贏過大利多多聲,唔想食兩個包直表嚟個厚蛋豬扒包都無問題
鹹牛肉厚蛋多士(MOP25) 厚蛋真係唔惹少,相當厚身而且入面係帶點半熟有蛋汁,驟眼睇面頭蛋皮都幾滑,都幾考功夫,有d似熔岩蛋包飯上面舊蛋,鹹牛肉鮮香,多士香脆,加埋食好惹味。
鹹牛肉厚蛋多士(MOP25)
厚蛋真係唔惹少,相當厚身而且入面係帶點半熟有蛋汁,驟眼睇面頭蛋皮都幾滑,都幾考功夫,有d似熔岩蛋包飯上面舊蛋,鹹牛肉鮮香,多士香脆,加埋食好惹味。
炭燒瓦煲咖啡(熱MOP18、凍MOP20) 炭爐瓦煲既年代番番黎,咖啡均勻受熱,呢個樽仔奶茶,比起即沖既都無失色,香濃。
炭燒瓦煲咖啡(熱MOP18、凍MOP20)
炭爐瓦煲嘅年代番番嚟,咖啡均勻受熱,呢個樽仔奶茶,比起即沖嘅都無失色,香濃。

世記咖啡(外賣店)
分店一:
地址:氹仔消防局前地一號地下(官也街的士站旁)(顯示地圖
電話:(853)6569 1214

分店二:
地址2:澳門賣草地街乾草圍15號d長信大廈地下(BCM商業銀行側)(顯示地圖
電話:(853)6377 9664
營業時間:1100-1900;星期二休息

4. 蟹油滿溢!蟹黃墨魚餅撈麵

本身蟹黃份量唔夠多所以追加咗$20,蟹黃撈埋麵食好滋味,完全食到啖啖蟹黃嘅感覺,蟹油滿溢,不得不讚呢間嘅墨魚餅,手打墨魚餅爽口彈牙而且食到墨魚嘅鮮味。

IMG_2978
蟹黃墨魚餅撈麵($48+$20追加蟹黃)

澳門新龍記美食
地址:新橋(三盞燈/白鴿巢)沙梨頭南街29號地下E舖(顯示地圖
電話:(853)2825 2517
營業時間:0730-2200

5. 爽口彈牙!招牌蝦子撈麵

招牌蝦子撈麵($30) 細細碟,但蝦子既份量係有係度既,中意呢間既麵,竹昇麵十分爽口彈牙,同其他店既麵無得比,蝦子鮮味,唯一唔好既位就係加價加得太快。
招牌蝦子撈麵($30)
細細碟,但蝦子嘅份量係有係度嘅,中意呢間嘅麵,竹昇麵十分爽口彈牙,同其他店嘅麵無得比,蝦子鮮味,唯一唔好嘅位就係加價加得太快。
金沙炸鯪魚球($40) 基本上係每次黎澳門都會食既鯪魚球,新鮮即叫即整,米通包住鯪魚球炸,食落香口,食到米通既鬆化,更加點睛既係個蜆芥,咸鮮味令到鯪魚球更惹味,推介得過。
金沙炸鯪魚球($40)
基本上係每次嚟澳門都會食嘅鯪魚球,新鮮即叫即整,米通包住鯪魚球炸,食落香口,食到米通嘅鬆化,更加點睛嘅係個蜆芥,咸鮮味令到鯪魚球更惹味,推介得過。
桑寄生蛋茶($16) 仲可以飲到唔係周圍有既桑蛋茶,唔會過甜。
桑寄生蛋茶($16)
仲可以飲到唔係周圍有既桑蛋茶,唔會過甜。

祥記麵家
地址:澳門福隆新街68號地下(顯示地圖
電話:(853)2857 4310

 

6. 粵式老茶樓歎一盅兩件!

澳門僅存嘅粵式老茶樓。1962年開業至今,中學仲用緊嘅吊扇、用砵洗碗、綠色窗框、圓枱摺櫈、舊式點心⋯一磚一瓦都充滿60年代嘅懷舊風情,毫不做作。

image8

豉椒排骨($25) 所有點心一律25蚊,一試排骨,就有種好細好細個嘅時候跟公公婆婆、爺爺嫲嫲去飲茶嗰種感覺。就算已經遺忘咗好耐,唔記得哂以前嘅味道同畫面,但感受猶新,不過排骨有啲油
豉椒排骨($25)
所有點心一律25蚊,一試排骨,就有種好細好細個嘅時候跟公公婆婆、爺爺嫲嫲去飲茶嗰種感覺。就算已經遺忘咗好耐,唔記得哂以前嘅味道同畫面,但感受猶新,不過排骨有啲油
豬肉燒賣($25) 以前嘅燒賣唔同而家成日食嘅魚肉燒賣或者蝦仁燒賣,而係用豬肉造。黃色嘅燒賣皮包住嘅豬肉球,完全唔似燒賣,根本就係一粒肉丸
豬肉燒賣($25)
以前嘅燒賣唔同而家成日食嘅魚肉燒賣或者蝦仁燒賣,而係用豬肉造。黃色嘅燒賣皮包住嘅豬肉球,完全唔似燒賣,根本就係一粒肉丸
魚肉釀茄子($25) 驚喜之作,唔係煎釀三寶個啲就咁搽啲鯪魚滑落塊茄子,而係將茄子分成2介夾住鯪魚肉,不過茄子底部有啲燶咗
魚肉釀茄子($25)
驚喜之作,唔係煎釀三寶個啲就咁搽啲鯪魚滑落塊茄子,而係將茄子分成2介夾住鯪魚肉,不過茄子底部有啲燶咗

龍華茶樓
地址:澳門筷子基提督市北街3號(顯示地圖
電話:(853)28574456
營業時間:0700-1400

7. 澳門都有朱古力脆皮雪糕

澳門竟然連DQ都有,見到即買杯雪糕食。

朱古力甜筒(一層$20、兩層$25) 脆皮朱古力真心正,但係烈日當空之下食溶得超快,食到成手都係
朱古力甜筒(一層$20、兩層$25)
脆皮朱古力真心正,但係烈日當空之下食溶得超快,食到成手都係

Dairy Queen 冰雪皇后
大三巴店
地址:澳門大三巴街19號C國匯大廈地下E鋪(行去大三巴會經過)(顯示地圖
電話:(853)2882 0954

利富店
地址:澳門南灣約翰四世大馬路11號利富大廈一定好商場地下F鋪(顯示地圖
電話:(853)2871 5919

8. 終極懷舊人情味雪糕店

終極懷舊食雪糕,家族經營60年,可以係入面坐低慢慢食。唔好諗住佢可以好似香港嗰啲雪糕咁出色香滑,呢度sell嘅係60年代嘅懷舊氣氛,淨係睇外觀已經感覺到陣人情味。

image2[1]

雪糕三文治($16) 經典懷舊紙盒包裝,相信大家嘅年紀一定未見過!雖然細細個,打開包裝亦都冇哈根達斯咁吸引,但食嘅就係嗰種懷舊嘅味道
雪糕三文治($16)
經典懷舊紙盒包裝,相信大家嘅年紀一定未見過!雖然細細個,打開包裝亦都冇哈根達斯咁吸引,但食嘅就係嗰種懷舊嘅味道
西班牙咖啡($26) 開頭以為係Affogato,原來係一杯凍咖啡上面有一球雲呢拿雪糕。已專賣雪糕嘅鋪頭來講,咖啡質素唔錯。
西班牙咖啡($26)
開頭以為係Affogato,原來係一杯凍咖啡上面有一球雲呢拿雪糕。已專賣雪糕嘅鋪頭來講,咖啡質素唔錯。

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!
see first