航空編碼冷知識@杜遊珍

博客

廣告

上星期阿珍喺FB提出無聊一問:「有冇人知『CX』個『X』解乜嘢?」,結果無網友解答到,其實阿珍自己都係約定俗成人嗌我嗌,於是走去問航空迷G Sir,佢首先同阿珍聲明,其實謎底係「好唔浪漫」嘅:所謂「航空公司代碼」只係由IATA(國際航空運輸協會)派發出嚟,同車牌、上市公司編號一樣,只為方便識別,目標係避免重覆,雖然係好技術性嘅分析,不過G Sir都數咗幾個有趣例子,可以同大家分享!

CX
G Sir表示,Cathay Pacific當初棄用地域命名,本身就好係一件好有型的事,可惜作為initial的CP早已被加拿大航空註冊,傳說代碼中的「X」係解作「泛太平洋」( Cross-Pacific )嘅意思。
CY
真正做到initial首字母撮寫嘅,多數係一早打入市場的Old Sea Food,好似BA、AA、AF等,都係國家級airline,至於香港人近期好厭惡嘅CY,原來係塞浦路斯航空(Cyprus Airways)嘅代碼。
UO
航空公司改名轉Logo不時發生,代碼卻唔會輕易改動,好似香港快運去年轉營廉航、然後改為純英文名的HK Express,代碼依然係始創期的UO。

7C
IATA航空代碼只限兩粒字,「26 X 26」個英文字母最多只能拼出676個組合,全球卻有過千間航空公司,由於字母唔夠派,早在1987年開始協會就引入數字組合,香港人比較熟悉的例子就有7C──濟州航空。
JW
好似車牌一樣,航空代碼亦會「循環再用」,例子包括剛剛喺香港插旗嘅廉航香草航空,成立於2013年、代碼JW嘅上一手「用家」,原來係2010倒閉嘅美國貨運公司Arrow Air。

 

編按:雖然 IATA 代碼環球通 用,但仍然有個別俄羅斯及非 洲Airline放 棄 跟 隨 國 際 標 準,今期編輯部介紹的「 豆泥 航空 」亦係其中一個例子

關鍵詞
7CCXCYJW