人夫發現老婆日日唔沖涼超崩潰　求救網民反被提醒1事：你老婆都幾絕

人夫苦呻「老婆日日都唔肯沖涼」　求救網民：到底我可以點做？

早前人夫於帖文中表示，「老婆晚晚都唔沖涼，連帶個女都唔沖，去完公園成身汗，成身邋遢都係咁瞓上床，搞到張床隔幾日就有臭汗味。叫老婆沖涼就發脾氣，應該點做」，單單在幾行文字的形容間，不少人都指「隔住個Mon都聞到陣臭味，好有畫面」，直情戥人夫可憐，「日日個鼻都無得休息」。

網民稱「女人真係污糟過男人好多」　提議人夫絕地反擊大法

不少網民看到分享後大呼嘔心，指確實有不少女人「好污糟」，甚至比男人恐怖10倍。網民留言指「之前ViuTV有個節目，入邊有幾對素人夫婦，其中有一個老婆本身係瑜伽教練，又係成日唔沖涼就瞓覺」、「我識有人真係個呀媽教個女唔洗日日沖涼，靠噴香水遮味，冬天可以成個星期唔沖都得…所以見到啲好勁香水既人時，自己睇路」、「我發覺好多女人都唔鍾意沖涼，尤其是冬天。之前個同屋主就係唔沖涼、唔換bra、去旅行唔怪之得可以帶hand carry細喼，原來就係唔換bar、褲、襪」、「女人頭都唔洗，連續一星期都試過，真係好恐怖，女人其實污糟過男人好多」。

而亦有網民教人夫用絕招對付，指「可考慮臭過佢哋，完美示範一次極致香體之旅」、「捉個女去沖涼，然後夾埋個女一齊笑個老婆臭，再開名周街唱佢，好似而家咁」、「用女人嘅方法打敗女人，咁就可以逼佢面對現實，知自己衰咩，想要返個老公就去沖涼」。

有人反指老婆細思極恐：根本係陰謀

不過，亦有網民指自己心水清，認為「世間上無可能一個人流汗都唔願沖涼咁多日，林超英都唔得唔沖涼啦」，更指老婆細思極恐，指「我完全理解，因為唔想同佢老公愛愛，用呢招逼老公出軌，再提出離婚，個女人就贏晒」、「好明顯想個女跟晒自己，以後有咩事個女都會同呀媽同聲同氣，杯葛老豆，爭撫養權都易D」。