我也只是個住在瑞典的港女@為何斯德哥爾摩沒有譚仔三哥
我也只是個住在瑞典的港女@為何斯德哥爾摩沒有譚仔三哥

我也只是個住在瑞典的港女@為何斯德哥爾摩沒有譚仔三哥

嗚呀救命我瞓唔著,男朋友今日無啦啦有鼻寒。喺張床度典咗三個鐘,思考好多人生問題。
話說有個台灣女仔六、七年前識落,唔係好熟(其實只係見過一次面),如今佢已經嫁個香港人仲生埋仔添。前果排佢無端端搵番我,問我瑞典生活如何,寒暄一大論,又拎whatsapp乜乜乜得出結論係「如果我去歐洲請盡量關照我喔啾咪」。我心諗:你深潛六七年喇喂,動機很明顯

今日佢又突然浦頭,whatsapp send嚟嘅竟然係兩頁密密麻麻嘅英語練習。並附上一句:你有空嗎?你知唔知道這些答案?
我再次心諗做乜姐。其實好想話比佢聽瑞典其實是講瑞典文的。
不過最後都答咗一題,send番比佢。佢口覆係兩板唔知係佢定佢個仔填好測驗,叫我批改。
我頂唔順了,呢一切實在太____,冇辦法接受。我最後叫佢不如請個補習老師啦。佢「好」一聲再度深潛,事件亦告一段落。
我發覺自從我嚟瑞典之後,好多人對我態度都唔同咗。好多由以前嘅零接觸突然變到好關心,由以前串串貢變到好虛心學習。(當然仲有好多朋友係忠㗎啦,love you all 。)

只想講可能我嘅位置改變咗你對我嘅睇法,不過我對你睇法基本上冇變過,亦唔會因為突如其來幾句而改變。
旅遊指南上網睇啦,滙率呢啲就自己上網睇啦,以前未走又唔見你原來心地咁善良。
祝您旅途愉快。

最新吃喝玩樂資訊