清拆城西後花園 居民抗議盲搶地

剷平市肺 生活更逼人
居住在西環逾40年的Derek 謂，加多近街臨時花園是區內少有的草地公園，是區內重要的「市肺」。而且花園平地出入，適合長者、傷殘人士共享，如果將來拆去，居民就要走去原本已十分擠逼的卑路乍灣公園，仲要行多層樓梯，即是行動不便的居民無份玩。Derek 認為，如果估中政府真係打算在現址建私樓，新增3,000幾伙，即是有萬人湧入城西：「而家城西好平靜， 但硬要增加人口，令到個社區越來越擠逼，呢個做法係本末倒置」。Derek 指，關注組不滿政府低調諮詢，要求該土地用途得到合理解決，才批出撥款動工。關注組暫時已收集逾2,000居民聯署，爭取更多討論空間。

拆公園喎！街坊有話兒

「西環有地鐵之後，已經改變咗好多，酒吧、餐廳大增，可以俾小朋友跑嘅綠地已經好少，唔想連呢度都無埋！」

「堅城設施已經不足，咁細嘅公園都要攞走，對呢度街坊好唔公平！我每日都會嚟跑步，好希望可以保留花園。」

政府為賣地 刻意搵事做

「現時有兩種方法除污，一係抽出污泥，一係覆蓋住污泥。而家污泥已用公園的方式覆蓋住，咁又要拆公園掘返污泥出來，係無事做搵事做。當然，賣地可賺$50億，政府收益係好大誘因。」

硬規劃冇考慮居民

「規劃署文件指，政府正進行『連接堅尼地城與東大嶼都會的運輸基建技術性研究』，擬建大橋連接大嶼山及堅尼地城，發展東大嶼。清拆花園明顯和該研究有關，根本無考慮堅尼地城居民的需要。」
 

規劃署：清拆公園配合新發展

‧ 根據「堅尼地城西部土地用途檢討」發展方案，該花園擬做私人住宅。
‧方案會加入公共設施，如巴士總站，回應社區訴求。
‧ 由2013年至今曾多次諮詢，包括到區議會及泓都業主委員會舉行座談會。
‧規劃署正考慮各方意見，未有定案。

土木工程拓展署：除污唔等得

‧ 花園地底泥有重金屬（如鉛、砷、汞）及碳氫化合物（如苯並芘）等污染物，最深達9米。
‧ 雖然花園的污染泥土不會對使用者構成即時影響，但存在風險。
‧ 若延遲除污工程，該用地可供發展的日期將會延遲。
規劃署指市民若對「堅尼地城西部土地用途檢討」有新建議，可用以下渠道向該署反映。
電郵：[email protected]
電話：2231 5000
延伸閱讀
撐本港貨！8間香港製造露營用品推介
日式生瓜湯烏冬 脆甜低糖