出前一丁 X 細蓉?日本雲吞公仔麵試食報告!
出前一丁 X 細蓉?日本雲吞公仔麵試食報告!

出前一丁 X 細蓉?日本雲吞公仔麵試食報告!

相信 出前一丁 陪伴唔少人成長,無論係杯麵定包裝公仔麵,總有一款食過!但各牌子口味越出越多, 出前一丁 都搞搞新意思。近排就有人發現 出前一丁 出了新款式 — 雲吞公仔麵!細蓉大家平時食得多,細蓉出前一丁又好唔好味?一齊睇下食評!

 

※文章轉載自立雜良品

 

外表同原味一樣係紅色,但張圖就有雲吞。唔望真點仲以為係淨雲吞。
圖片來源:立雜良品

 

入面有一包味粉,一包麻油,同......5粒好似紙飛機咁嘅雲吞。
入面有一包味粉,一包麻油,同……5粒好似紙飛機咁嘅雲吞。
圖片來源:立雜良品

 

平時食開隻出前一丁碗麵有99g,呢隻得86g咋。
平時食開隻出前一丁碗麵有99g,呢隻得86g咋。
圖片來源:立雜良品

試食短評

睇完內面有啲咩,味道又如何呢?

出前一丁 4

 

蓮妹:「我要真.細蓉!賣成$17個杯麵,換來5粒丁屎咁大粒嘅雲吞,皮都算薄嘅,但餡幾乎係零,我不如去茶記食碗細蓉好過啦,再唔係買包雲吞皮自己淥又得!不過咁啱遇著我肚餓,突然覺得麻油味其實都幾好食嘅衰鬼,哈哈~」

域拖:「係咪我期望太高呢.….. 我真係以為啲雲吞起碼有灣仔碼頭粒粒小雲吞咁「大」,而唔係細到好似泡沫咁浮喺面 。食落除咗塊雲吞皮就好似咩都冇咁(其實有一兩粒硬硬哋嘅不明物體,係肉嚟啩應該),講唔到亦食唔出有咩味。下次我覺得可以直接買個杯麵加粒粒小雲吞,或者直接落街食碗細蓉算~」

女神(經):「佢顛覆咗我對雲吞嘅認知,我覺得自己食緊一塊面皮,但係都不失為一塊好味嘅面皮,麻油味同出前一丁味精味果然冇得輸,如果佢個雲吞入面唔好咁孤寒,多多幾粒肉或者whatever有啲咬口嘅嘢就更好喇!」

慳妹︰「以而家嘅物價,十幾蚊食到碗雲吞麵,都算幾抵呀,仲要唔駛落街,加水就有得食喎~之不過呢個雲吞杯麵啲雲吞唔單止勁細粒,仲要食落去都唔係好feel到有餡,好似只係食緊塊雲吞皮,既然係咁,我都係慳返幾蚊,買個原味杯麵算啦!」

鹹魚:「點解最近我哋試嘢咁容易中伏呢?唔通連個天都唔鍾意我?(☍﹏⁰)第一次見到仲諗住讚吓佢,咁大個女第一次見可以好似杯麵咁食嘅雲吞,仲要係最邪惡嘅出前一丁,真係勁期待!點知一開,車…… 原來都係杯麵,只係多咗5粒極細嘅「雲吞」,入口淨係食到雲吞皮,完全「輕輕的我走了」一下「sir」入喉嚨就無咗,說好的雲吞餡呢?個麵…… 幼啲囉,咪又係出前一丁。等我仲期待咗一陣……」

些王:「由於入面得5粒雲吞(?)咁多,所以無試,好彩。(速逃」

 

祥華食品批發公司

地址:觀塘道396號毅力工業中心地下C座 (顯示地圖)
售價:$17

延伸閱讀

【自助餐放蛇起底組】元綠地獄加碼 $98火鍋壽司放題

2016生日十大優惠 自助餐免費、3D館免入場

最新吃喝玩樂資訊