芝士流心西多士
芝士流心西多士

邪惡芝士流心西多士!滑嫩、鹹香 |荃灣有咩好食|

博客

廣告

下午茶食咩好?不如食西多士啦!但係就咁食西多士有咩咁特別呢?香港嘅食店一向都有好多創意,九龍城有沙嗲牛肉西多士以及紅豆西多士,尖沙咀有菠蘿紅豆西多士,西環有流沙奶皇西多士同紅豆綠茶西多士…咦,咁如果我身在新界區想食創意西多士,有咩選擇呢?

呢一日下午經過荃灣一間冰室,望一望下午茶嘅餐牌,咦!芝士西多士…唔止喎!係芝士流心西多士!!當然立刻入去冰室試下先。

望一望餐牌,平時單點芝士流心西多士就係$23,而下午茶價錢就係 $28 但有一杯熱飲贈送!

IMG_2689

主角到了!芝士流心西多士!面層放上厚厚嘅牛油同煉奶,望落已經很邪惡!

但當然呢件西多士嘅精髓,就係..芝—士—流—心!

10275612_606921759456025_5329291858362909445_o

一切開就係呢個畫面!芝士確實有流心不過都有唔少油呢~ 西多士色澤金黃,外層帶著微脆質感,而內裡亦都鬆軟。西多士亦都有蛋香,唔會過甜。部份牛油熱溶後味道帶香,芝士味道唔算濃,帶著微微嘅鹹香。

IMG_2687

切成小塊嘅西多士,芝士味道唔濃不過質感頗為軟滑。整體來說,西多士本身還算不錯,但加上了芝士流心後,驚喜不大。
小小提示: 佐敦都有呢間冰室嘅分店,但係芝士流心西多士只限荃灣店供應。

12471376_606912476123620_3379789016592044534_o