芝士
芝士

瘋狂芝士火鍋殺入Tea Buffet! 3大必吃邪惡美食 |沙田食乜好|

飲食

廣告

芝士撻同芝士火鍋風靡香港,可見大家對芝士的喜愛程度愈見狂熱,今次有酒店推出芝士下午茶自助餐,一次過食晒芝士火鍋、芝士撻、巴馬臣芝士意粉等,啱晒一眾芝士控!

三大回本芝士美食

1. 火焰芝士車輪意粉

芝士車輪意粉不多地方可以食到,今次一於試下!廚師會將炒好嘅意粉同食材放係車輪形狀嘅意大利巴馬臣大芝士上,加酒,點火,再炒。睇住廚師即場係芝士上炒意粉,神奇嘅火焰令芝士同意粉溶埋一齊,太吸引啦!

2. 芝士火鍋

冬天最啱食火鍋暖身,呢個芝士火鍋用料唔慳架,用意大利艾曼托芝士同車打芝士,配料豐富又可以自選,有薯仔、法包、西蘭花、椰菜花、甘筍、煙三文魚同青口等。平時只係食一個芝士火鍋都要百幾二百蚊,依家二百幾蚊的自助餐包埋芝士火鍋,都算抵食!

3. 朱古力流心芝士撻

如果你係芝士控,芝士撻就一定食過啦。呢款芝士撻特別在用法國奶油芝士、意大利巴馬臣芝士同72度黑朱古力製成,即叫即焗,仲要係流心架!咬到中間,個餡流哂出黎,好香好滑。平時一個芝士撻賣$20,自助餐就當然任食,絕對停唔到口,回哂本!

其他任食芝士推介

彩虹芝士凍餅

呢款彩虹芝士凍餅唔只靚,仲要有七層海綿蛋糕!每層唔同顏色代表唔同生果,紅色代表士多啤梨,橙色代表香橙,黃色代表檸檬,青色代表綠茶,藍色代表藍莓,而紫色代表薰衣草,好有心思。而每層之間都隔著法國奶油芝士與白忌廉。食個咁靚嘅蛋糕,心情都靚啲。

烤芝士生果三文治

三文治細份易食,用唔同新鮮生果,例如蜜瓜、士多啤梨、香蕉及藍莓。用意大利的艾曼托芝士與牛油烤焗,表面又脆又鬆,咬落去啲芝士即刻流出嚟,令人好想瘋狂咁食芝士!
2+2 café芝士狂熱.下午茶自助餐
地址:香港沙田白鶴汀街八號帝都酒店三樓(顯示地圖
電話:2694 3886
日期:2016年1月16日至3月31日 (2月13及14日除外)
時間:星期六、日及公眾假期3:15pm– 5:00pm
價錢:成人$258;長者(65歲或以上)$148;小童(3-11歲)$138
網址:www.royalpark.com.hk 訂座及查詢詳情

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
 
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..