尖沙咀雪糕
尖沙咀雪糕

尖沙咀5大新雪糕推介 溫泉蛋雪糕咁奇怪?|尖沙咀食乜好|

熱話

廣告

宜家雪糕有層出不窮嘅配搭,可以配雞蛋仔、番薯等等,仲可以有咩配搭?尖沙咀最近有5款新口味雪糕,即刻帶大家睇睇!

出奇地夾!溫泉蛋雪糕

將溫泉蛋加落雪糕度,聽落會覺得味道好奇怪,但竟然有意想不到的效果!因為溫泉蛋口感像啫喱,令雪糕變得更軟滑,而且雪糕亦令蛋黃的蛋香味更突出。雪糕除了配上Oreo,使口感更豐富、還有粟米脆片及乾果,令你食得健康!

不過想試這杯雪糕的朋友要留意,溫泉蛋雪糕每日限量20杯,要食就早d去喇!

尖沙咀_AmitieKitchen_日本溫泉蛋雪糕
日本溫泉蛋雪糕 $48
尖沙咀_AmitieKitchen_日本溫泉蛋雪糕
一將溫泉蛋的蛋黃刺穿,蛋漿立即流出來!

Amitie Kitchen
地址:尖沙咀亞士厘道27號捷利商業大廈8樓(顯示地圖
電話:3104 9234
營業時間:星期一至二,四至日12nm-10pm;星期三休息

所謂「一醉解千愁」,想醉唔一定要飲酒,食雪糕都會令你開心返!剛剛新開張的The Little Corner推出桑莓啤酒味雪糕,雪糕由粉紅啤Hoegaarden Rosée啤酒,加牛奶軟雪糕做成,鍾意飲啤酒又好甜品嘅你,就要去試喇!

CHEERS! 啤酒味軟雪糕

一杯雪糕內有半支啤酒份量,因此啤酒味非常濃郁,像喝啤酒一樣!雪糕有桑莓脆脆作配料,味道酸酸甜甜,正好中和啤酒的苦澀味。另外,雪糕還有朱古力爆炸糖,令口感更刺激!

尖沙咀_TheLittleCorner_桑莓啤酒味雪杯糕
粉紅仙子 $44

又凍又熱 雪糕熱狗

由於啤酒雪糕含有酒精成份,所以不建議給小朋友吃這款雪糕,小朋友可以選擇另一款雪糕,由熱狗包和軟雪糕所組成的冰凍火山,軟雪糕口味每天都不同,有宇治抹茶、焙茶及牛乳味。

熱狗包即叫即炸,外脆內軟,加上軟雪糕,一冷一熱感覺好特別,而且包心充滿住雪糕,不會覺得麵包好乾。而宇治抹茶雪糕茶味出眾,不會太甜。

宇治抹茶冰凍火山 $34
宇治抹茶冰凍火山 $34

The Little Corner
地址:尖沙咀山林道10號山林閣地下2C號舖(顯示地圖
電話:3954 5463
營業時間:星期一至日12nm-11pm

松坂庫不時推出獨特口味雪糕,如:Wasabi鹽、柿子醋等等,今次一口氣推出7款新口味雪糕,畀你食足一星期!其中一款是星空酒雪糕,賣相好吸引,如果你鍾意粉紅色,一定覺得靚!我哋BloggerPoortravellers窮遊即刻去試食!

粉紅控至愛 星空酒軟雪糕

Poortravellers窮遊:呢杯雪糕上面粉紅色嘅就係星空酒啦,夾埋竟然唔會怪,酒味唔係話太濃,食到雪糕嘅牛奶香。

尖沙咀_松坂庫_星空
星空 $32(圖片來源:Poortravellers窮遊
尖沙咀_松坂庫_星空
Poortravellers窮遊:嗌呢款雪糕仲有水信玄餅送,好靚Q彈,食到淡淡花香(圖片來源:Poortravellers窮遊

苦味回甘 無花果籽x蜜糖軟雪糕

另外六款雪糕口味都非常特別,BloggerPoortravellers窮遊還試了有機無花果籽加栗子蜜糖雪糕,究竟味道又如何?

Poortravellers窮遊:呢杯係用咗韓國黎嘅栗子樹蜜加埋大阪嘅無花果籽,呢款蜜糖好得意,一開始會食到蜜糖本身既苦味,然後回甘,蜜糖甜味再慢慢浸出,加埋無花果籽嘅口感同雪糕奶香,呢杯好味。

尖沙咀_松坂庫_有機無花果籽栗子蜜糖
有機無花果籽加栗子蜜糖雪糕 $34(圖片來源:Poortravellers窮遊
尖沙咀_松坂庫_有機無花果籽栗子蜜糖
雪糕還加了乾冰營造噴煙效果,一定要相機食先! (圖片來源:Poortravellers窮遊

松坂庫

地址:尖沙咀金馬倫道35號地舖(顯示地圖
電話:2323 8700
營業時間:星期一至日9am-10pm

 

延伸閱讀:
Hello Kitty有機產品 殺入尖沙咀 |尖沙咀好去處|
$51日式燒肉定食 三文魚沙律任添 |尖沙咀食乜好|