元綠壽司
元綠壽司

元綠壽司$48任食 得天水圍一間!

旅遊

廣告

仲記得細細個一到放假,就會要屋企人帶去食元綠壽司,要食仲要攞籌排隊等位,曾幾何時連Twins同Boyz都係元綠嘅代言人。但當Twins係紅館唱「然後買襪買衫可以做風紀」,成為香港人集體回憶嘅時候,叱咤一時嘅元綠壽司原來已經得番天水圍一間店鋪。新一年2016年,元綠壽司就係Facebook宣傳,會推出新優惠,迴轉壽司任食,實行同明將壽司一樣做任食壽司生意。

元綠迴轉壽司任食,5點前入座只要$48,食一個鐘。5點或之後入座,就貴$20,$68 但有得食90分鐘,食多半鐘頭,抵啲呀!不過不過,要提提大家,圖片的壽司款式只供參考,到底現場任食會少咗邊D款式,真係要去到先知。
 

有網民就問係咪所有分店都有任食? 要記得啦!元綠壽司得天水圍一間分店!唔好去錯呀!

元綠壽司

地址:天水圍天華路33號頌富商場2期1樓128號舖(顯示地圖
外賣速遞熱線:2889-8889
客戶服務熱線:2710-6868
天水圍分店電話:2617 2345
延伸閱讀
邊爐湯底放炸彈 「酒火入鍋」變火焰木瓜與七彩墨丸 |尖沙咀食乜好|
花店Café $200任食棉花糖放題 |上環食乜好|