【自助餐放蛇起底組】$168韓燒 炸雞小食任食
【自助餐放蛇起底組】$168韓燒 炸雞小食任食

【自助餐放蛇起底組】$168韓燒 炸雞小食任食

在尖沙咀食韓燒閒閒哋都要二、三百蚊先落到樓,今次俾我哋發現了這家韓式餐廳,韓燒再加炸雞等小食任食都係$168,食唔食得過?立即去片睇試食報告啦!

31款食物選擇 110分鐘任食

雖然$168咁平,但任食時間只有110分鐘,兩個鐘都唔夠,把握時間!食物選擇方面有31款任揀,肉類只有幾款豬肉和雞肉,牛魔王要失望了!熟食有炸雞~冷麵及便當,選擇感覺都豐富。

A2

沙律、燒肉、炸雞、泡菜炒魷魚、水冷麵︴泡菜海鮮湯、手搖便當飯等共31款選擇。

03

A3
雖然只得雞肉同豬肉係任食,但都可以比你揀上級牛肋肉或加拿大豬腩一客,咁梗係揀牛啦!上級牛肋肉送嚟時,第一個感覺係~好~迷~你~!以有鹽同胡椒調味,色澤紅潤,有少少雪花紋。

01

韓燒燒豬雞肉 必食厚切味噌豬腩肉

肉類選擇最吸睛的是厚切豬腩肉,有4款味咁多:宮廷甜味、原味、味噌及辣味醬汁,送到嚟件件都好肥美,真喺厚切嫁~而且醬料都落得好重手。肉質軟滑,4款入面最好食是味噌,好惹味!辣味唔算太辣,係食完入喉嚨後才有微微辣度滲出,呢兩款必食!另外個兩款…原味勁鹹;甜味係無味,千萬唔好點!另外香草雞腿肉及五花露筍卷都唔錯,食得過!

A4
豬腩肉一共有4款味道,分別有(由上至下)宮廷甜味、原味、味噌及辣味醬汁。
02
可以問店員拎剪刀,剪細少少包生菜食。
04
香草雞腿肉大件又完整,醬料都喺落得好大方。
09
食落有好濃烈的香草味~皮脆肉嫩
A5
五花露筍卷露筍好大條!
05
五花肉好香甜,而露筍無渣,食到一半最啱解膩!

炸雞手搖便當食到飽

炸雞炸雞炸雞!去食韓國嘢一定要點啦!呢度有得任食喎,不過炸雞全是雞翼,無得一啖吞,有原味及辣味選擇,上菜都唔等好耐,送上嚟時熱辣辣,同埋非常脆,好香口,辣味係Must try!第一啖食落去是甜味,第二啖開始辣辣哋,越食越辣,好過癮!會送幾顆酸蘿蔔粒,但係無幫助既,因為真係好辣!

A7
炸雞可選原味或辣味,如果你好食得辣,強烈推薦你食辣,辣到飛起!!!

手搖便當同Menu張圖好有出入,好頹,太陽蛋蛋消失咗,只有兩片午餐肉、司華力腸、泡菜及少量醬汁等。蓋返飯盒用力搖了分幾鐘,搖完後醬汁都未能蘸滿整個飯盒,飯粒太硬,未夠軟熟,午餐肉同司華力腸味道正常,玩下ok囉。

06
手搖便當感覺好頹,Menu張圖靚好多囉。
A6
搖完後的樣子,飯粒仍然是一舊舊,因為佢本身就唔夠軟熟。

以為手搖飯盒已經夠頹,但原來泡菜煎餅仲頹,平時餐廳啲泡菜煎餅放隻細細哋的醬料碟都無咩野,但呢個一放醬料碟都差唔多遮晒個餅喎,而且而家啲粉好貴咩?薄到咁…….似食緊蘿蔔及蒽的粉糰,泡菜係無味的。

A8
泡菜煎餅好薄的一片,而家啲粉一定好貴啦hahaha….
07
食落似食緊一舊粉糰,泡菜完全無味。

總結:

食物選擇都ok,如果有牛肉及更多蔬菜會更Happy。小食和熟食選擇都唔錯,但可惜除炸雞外,其他都頹頹哋。服務和環境方面都有加返分,店員好nice,上菜速度亦快。

總分:7.5/10

08
環境頗闊落,唔會同人背脊貼背脊,另外抽油煙桶同油桶凳基本設備都有齊。A1

韓韓館

地址: 尖沙咀彌敦道63號iSquare7樓705舖(顯示地圖)
電話: 3425 4090
任食供應時間: 星期一至四:12nn-3pm,6pm-11pm
星期五至日:12-11pm
收費:$168
用餐時間:入座時間起計110分鐘
備註:設加一,收信用卡

 

延伸閱讀:
【自助餐放蛇起底組】大排檔任食3小時 $118沙田圍重慶燒

最新吃喝玩樂資訊