9米巨型猩猩! 突襲首爾南山塔 |首爾|

首爾地標南山塔一向是戀人約會勝地，不過嫌在塔下掛心心鎖太老套，終於等到有新搞作啦！1月底前去到塔下，可以野生捕獲高9米、闊12.5米的巨型猩猩氣球依附在南山塔身，作狀爬上塔頂的逼真樣，相當矚目！猩猩出現原來係配合南山塔底重新開設的「Seoul Tower Plaza」商場，5層大樓內增設了LG 3D World體驗館，配合玩家動作，熒幕展示不同視覺變化，商場來年仲會陸續開設不同食肆。不過塔身的猩猩氣球擺設只會到明年1月底，年初去韓國賞雪之餘，仲可以順道探埋這隻期間限定的猩猩！