小朋友
小朋友

帶班大帝去旅行@杜遊珍

博客

廣告

又到年尾旅行旺季,最近公司收到唔少客打電話來問關於帶小朋友去旅行嘅事宜,熱門問題頭三位分別係:1)去邊度好?2)去過喇,去邊好?3)都去過喇,仲有冇?如果出現呢個情況,連迪士尼、環球影城同Legoland都幫唔到忙(好在出年多一個上海迪士尼,我估出年啲遊學團都走唔甩做呢個團!),阿珍同事K分享咗一條好橋畀我,就係sell佢哋搭唔同嘅飛機!K話:「依家啲細路除咗要考TSA,仲好識去旅行,無諗過竟然有阿媽帶住小學五年級嘅女上來旅行社,直接提出話要坐Hello Kitty彩繪機,原來因為有同學仔搭過!」好彩啱啱開多咗條Kumamon航線,再多一個地方推介,口痕的同事F搭訕,下次可以再sell佢哋搭「星星航空」,仲要坐商務,咁就可以一試空姐為小朋友切粒餵食飛機餐啦!其實計我話地點唔緊要,同小朋友去多啲文明、先進嘅地方,等佢哋放眼世界總好過帶小朋友去飲飲食食啦!

兜咗咁大個圈,其實阿珍寫呢個topic係因為見到Emirates出咗一set新嘅Kids kits, 以每個地區的動物做主題,仲同Lonely Planet合作,內有世界小知識卡片,寓娛樂於學習,抵讚!
延伸閱讀:
幫 Uber 重選代言人!@杜遊珍
機場內的明星萌友@杜遊珍