【2015年度回顧】新假期十大最受歡迎飲食排行榜！
分析：香港18區掃食掃街最受歡迎 舊區小店食出民間美食
一較之下，【18區掃食】系列最深得民心，佔榜3個名次；而【掃街王】系列亦唔輸蝕，佔榜2個名次。而排名第一嘅更係由飲食記者們帶大家以$50食到飽嘅試食報告！網民似乎非常鍾意新假期經常帶大家四出香港「周圍搵食」，另外記者發現最受歡迎的地區並非來自慣常的旺區(如旺角、尖沙咀)，而是來自舊區或住宅區(如紅磡、黃大仙、大圍、大埔)，看來大家都相當支持地區親民的小店啊。
講多無謂，一齊重溫2015年十大飲食資訊排行榜嘅精彩內容啦：
第十位： 觀塘 工廈 6大特色主題 café ！
如果你咁橋去到觀塘血拼，行到腳仔軟，最好就係鑽入靚裝的主題 café， 歎杯咖啡食件cake，靜靜地hea吓！略嫌淨飲太單調，咁不如睇睇以下幾家特色 café ， 有貓仔陪玩的貓 café ，亦有漫畫任睇的台式咖啡店，仲有三合一單車概念店， 觀塘內總有一個屬於你的如綠洲。
重溫以上文章《 觀塘 工廈 6大特色主題 café ！》更多內容，點我！
第九位： 【18區掃食】撐紅磡小店 古法咖喱魚蛋+斧頭炸髀
紅磡區真係好少大型連鎖餐廳，獨立小店佔咗九成，都係多得來自鄰近的黃埔住宅區、大學、工廈各路人馬支持，一眾街坊、學生哥同上班族齊撐的小店有咩咁勁？一齊睇吓啦！
重溫以上文章《 【18區掃食】撐紅磡小店 古法咖喱魚蛋+斧頭炸髀》更多內容，點我！
第八位：【18區掃食】地膽推介 黃大仙7大抵食小店
黃大仙 有求必應，想搵抵食小店，地膽一出，可說是得心應手。除了詠藜園、友記等老字饕，還有一眾街坊小店開到成行成市。今日就跟地膽一齊食盡黃大仙！
重溫以上文章《 【18區掃食】地膽推介 黃大仙7大抵食小店》更多內容，點我！
第7位：【掃街王】狂食海鮮+甜品！澳門 10 大暴食行
去澳門，最正都係掃街喪食，即場問問出發過大海的遊客，每位都以食勻美食做目標，例牌蟹粥、豬扒包和葡撻等！我們由朝早十點沙梨頭，食到落議事亭周邊，順道去新橋區睇本地文創小店，夜晚直落下環食8斤重海鮮鍋。短短12個鐘，實行以最短路程、最快時間一次過食勻玩盡地道澳門！
重溫以上文章《 【掃街王】狂食海鮮+甜品！澳門 10 大暴食行》更多內容，點我！
第六位： 香港開店有得食！韓國平價$35芝士炒飯部隊鍋
各位熟悉韓國旅行嘅朋友都應該知道，韓國首爾三清洞有間炒年糕專門店，兩大特色食物芝士炒飯與部隊鍋，可以自選加減材料，而且份量夠大，價錢又平， 食個海鮮部隊鍋加芝士炒飯都係10000韓幣左右(約為港幣70元)。未有得去韓國唔緊要，因為專門店已經去咗香港開店，立即去睇下香港版係咪一樣咁抵食先！
重溫以上文章《 香港開店有得食！韓國平價$35芝士炒飯部隊鍋店！》更多內容，點我！
香港開店有得食！韓國平價$35芝士炒飯部隊鍋【香港美食】香港開店有得食！韓國平價$35芝士炒飯部隊鍋地址詳情：www.weekendhk.com/?p=126138韓國首爾三清洞有間炒年糕專門店，兩大特色食物芝士炒飯與部隊鍋，可以自選加減材料，而且份量夠大，價錢又平。未有得去韓國唔緊要，因為專門店已經到咗香港開店，立即去睇下香港版係咪一樣咁抵食先！作者: Poortravellers窮遊 #新假期飲食================================Go go go，去韓國做足準備：連結：http://www.weekendhk.com/category/korea/各位為食邪惡朋友，記得加入新假期facebook群組，有得俾大家報食睇食，即加入【新假期飲食邪惡情報】群組！連結：https://www.facebook.com/groups/wwfood
Posted by 新假期JetSo on Wednesday, 4 November 2015
第五位：【掃街王】 荃灣 天橋網勁食平靚正！嚐５色秘傳咖喱！歎大碗牛雜！
今次嘅掃街王專登選址 荃灣 ，點解？因為 荃灣 天空之城，由港鐵站一出，行人天橋居然可以接駁20個商場堅離地！除此之外，仲不乏充滿老香港感覺的小商場，話明小商場當然就有街坊小店，大量特色小食任你掃，出發！
重溫以上文章《 【掃街王】 荃灣 天橋網勁食平靚正！嚐５色秘傳咖喱！歎大碗牛雜！》更多內容，點我！
第四位：【尖沙咀】 梳乎蛋 點心登場！ 蹂躪 蛋黃哥 9大點心！
蛋黃哥（梳乎蛋）強勢登港後，大受歡迎，所以佢上榜做第四名真係一啲都唔意外呀～雖然以下呢間期間限定點心食店已經由蛋黃哥主題轉做Little Twin Stars ，低我哋都一再重溫蛋黃哥嘅專屬點心同睇下果陣記者們點樣「蹂躪 」蛋黃哥 9大點心啦！
重溫以上文章《 【尖沙咀】 梳乎蛋 點心登場！蹂躪 蛋黃哥 9大點心！》更多內容，點我！
第三位：|大圍-掃食行動組|街坊至愛6大平靚正餐廳
究竟大圍有咩好食？重溫呢篇榮登季軍嘅文「搵食」啦！
今次我哋去到大圍。近年大圍成為兩大行業重鎮：飛髮舖同小食店。其中不少深得街坊支持，深得民心的有粥底火鍋、港式碟頭飯、西餐同韓國菜等等。依家、立刻、馬上同你走轉大圍街坊心水餐廳，掃食行動，action！
重溫以上文章《 【|大圍掃食行動組|街坊至愛6大平靚正餐廳》更多內容，點我！
第二位：【18區掃食】 大埔人最撐的7大食店
去到亞軍啦，大埔人真係有口福啦！
大埔有得踩單車、行山、探觀音、遊舊警署等，最重要係有好多又抵又好食嘅餐廳！有原隻軟殼蟹意粉、金莎格仔餅、邪惡炸雞脾、滋補甜品… 咁多好嘢，搵日入大埔行吓啦～
重溫以上文章《 【18區掃食】 大埔人最撐的7大以食店》更多內容，點我！
第一位：$50掃街食到飽！10款長洲「大件夾抵食小吃」試食報告！
終於去到冠軍啦！各位食家原來都鍾情於長州美食～（小編重溫呢篇試食報時，真係想立刻就搭船入長洲食嘢呀！）長洲的大魚蛋出名到街知巷聞，相信去過長洲的朋友都吃過，只不過除了大魚蛋之外，你仲知唔知長洲仲有其他巨型食物？以下10款大件夾抵食的長洲街頭小食，件件大件、件件平！三幾個朋友Share，$50 就食到肚滿腸肥～不過咁出名，係咪真係咁好食先？記者今次稍稍深入長洲搵美食，順道做埋個試食報告俾大家參考～
重溫以上文章《 $50掃街食到飽！10款長洲「大件夾抵食小吃」試食報告！》更多內容，點我！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
