【自助餐放蛇起底組】大排檔任食3小時 $118沙田圍重慶燒

天寒地凍,確係BBQ的好季節,今次帶大家嚟到沙田圍的重慶燒,$118可以任燒任食3小時,食唔食得過?立即睇試食報告!

食物選擇大路 近40款肉串蔬果

BBQ食物全自助,放在半開放的雪櫃內,而且有蓋蓋著,都好衛生。食物選擇都有近四十多款,有雞牛豬肉串、羊架、雞翼、腸、丸類、蔬果等,選擇大路。而且大部分食物都已預先串好,拎起嚟都幾方便。

A4
BBQ的食物全都是自助,放在半開放雪櫃中,望落都幾整潔。
A5
有羊架、牛脷。
A6
仲有雞翼、肉串,望落都算新鮮。
A7
猜猜我是誰?奇醜無比,岩岩蠶蠶,原來是……………………..牛脷…………………………點夠膽放入口呀………………

記住要拎孜然粉同醬料

睇完有咩食,就可以拎用具預備燒啦!孜然粉、辣椒粉都是以小瓶盛載,可以拎埋位盡情灑。另外亦有沙嗲醬、咖喱醬、蒜蓉油醬汁,仲有一pat融得好緊要的牛油。沙嗲醬超超超超辣,勁惹味!

A3
綠罐是孜然粉,紅罐是辣椒粉,記住去拎啊~
A2
又來猜猜我是誰,原來是……………….一pat融得好徹底的牛油…………………
A17
拎完夾後,成手都是油!見唔見到手指有油光啊~~???!!!有無洗過嫁?

必食肉類盤點

BBQ最緊要當然是個爐!呢度用的是放在枱上的gas爐,唔使擔心加炭的問題,仲有得較大細火,幾方便!一開始燒要燒一些油分多的肉串,可以勁加孜然同辣椒粉,燒到差唔多熟可以搽啲醬料,又或者食時蘸點亦可。必食推介有羊架,Size雖不算大,但肉質都幾鬆軟;雞翼都唔錯,食得過。第二輪的牛脷同啱啱的完全唔同樣喎,原好大塊而且無黑邊,有進步,儘管試一試,食落好爽兼好滑,但可惜無咩牛味。

A10
BBQ的是用gas爐,放已串好的食物上去就得。
A11
必食~回本~羊架燒完底同面,要燒埋執邊!
A13
燒雞翼~我鐘意食~雞翼都唔錯,肉質頗滑,而且我燒到個皮卜卜脆~正!
A14
第二輪的牛脷突然正常返!幾爽彈,不過無咩牛味。
A18
食膩了仲可以燒下菠蘿同番茄等蔬果~

如果任食的唔夠喉,都有其他海鮮可以額名加錢叫,例如原價$70一隻的10吋虎蝦,近排做緊特價$38!!!!!

A15
10吋長大虎蝦特價$38/隻,唔係唔食呀?
A16
即刻度一度,接近10吋嫁!
A20
除殼後都有成隻手掌咁大,口感都彈牙既,有少少蝦鮮甜味,不過係少少囉。
A8
唔好以為呢度係垃圾桶,其實係飲品櫃,有汽水、檸檬茶等,每人包兩包飲品。
A19
位於冬菇亭內,地下有積水,環境就要扣少少分啦!

總分:6/10

A1

隱世貳館

地址: 沙田博康村熟食市場8號鋪(顯示地圖)
電話: 6681 9818
營業時間:1pm-12mn
收費:星期一至四特價$108,星期五至日$118(節日價格將有所變動)
用餐時間:入座時間起計3小時
備註:不設加一,只收現金

 

延伸閱讀:
【自助餐放蛇起底組】任食2.5小時 $138火鍋+ 蒸汽火鍋 放題
鹹香‧金黃!6大食唔停口炸薯條!|邪惡飲食地圖

最新吃喝玩樂資訊