|18區掃食| 撐紅磡小店 芝士菊花滷味+古法咖喱魚蛋
|18區掃食| 撐紅磡小店 芝士菊花滷味+古法咖喱魚蛋

|18區掃食| 撐紅磡小店 芝士菊花滷味+古法咖喱魚蛋

紅磡區的大型連鎖餐廳相對地不算多,反而獨立小店佔咗九成,都係多得來自鄰近的黃埔住宅區、大學、工廈各路人馬支持,一眾街坊、學生哥同上班族齊撐的小店有咩咁勁?一齊睇吓啦!

1.潮食芝士菊花滷味

三個80後年輕人開滷水店,大玩新口味滷水汁。滷水膽材料與一般滷水汁差不多,味道偏甜。再加點創意,製造出三款新口味:芝士滷水,以藍芝士、車打芝士和巴馬臣芝士做成,甜中帶鹹香;清菊滷水,加入杭菊及菊花水,清香;香辣滷水,用上泰國辣椒等三種辣椒,香辣惹味。有拼盤、滷水飯及撈丁供應。斧頭大小珍寶雞髀,非試不可,配芝士滷水汁及芝士碎,芝味濃,都只是$18。

芝士_滷水_紅磡

百滷薈珍寶雞髀皇 $18
大過手掌,滷水汁入味,芝士味濃,藍芝士夠鹹香。

芝士_滷水_紅磡

雞翼撈丁加溏心蛋 $43
雞翼嫩滑,蘿蔔腍甜,再加隻溏心蛋,滿足。

芝士_滷水_紅磡

雜綿滷水拼盤 $50(可選5款配料)
可自由選擇滷水汁味道和配料。當中原隻鵝翼,入口帶鵝香。豬耳爽口,還有傳統滷水拼盤少有的肥牛。
百滷薈
地址:紅磡崇志街29號地舖(顯示地圖
電話: 6626 1980
營業時間:7:30am-8:30pm

2. 碩果僅存古法魚蛋

蠔油咖喱魚蛋而家買少見少,這種童年回憶中的食物,並不是一般淋上沙爹醬或以咖喱油浸的魚蛋可比,這間小店至今仍堅持製作此古法魚蛋,便獲得大量街坊力撐!

DSC05356 copy

辣魚蛋 $6/串

魚蛋大大粒,內裡質感有點像長洲魚蛋,有微微魚味,不是用爽到離譜或毫無咬口的假魚蛋。魚蛋一直在蠔油色的咖喱汁內煮,醬汁薄薄附在魚蛋上,而且十分入味,鹹甜香辣俱備,後勁特強,辣味久久不散,推介!

DSC05360 copy

腸粉 $8/4條、燒賣$7/串

腸粉滑溜,夠熱又夠大碟,再大手加入甜醬、新醬、麻醬、芝麻、豉油,冬天食好滿足!

DSC05366 copy

小店門外客如輪轉,甚至有人特地駕車來買外賣,相當捧場。

林記小食

地址: 紅磡差館里 21 號(顯示地圖)

3. 叉燒做串燒 阿媽靚湯車仔麵

劣質車仔麵常用味精湯底,食完個口又鹹又涸,呢間小店就主打番茄薯仔湯底,真材實料,飲落充滿媽媽味,事後唔需要灌一公升水解渴。

_O5W2437 copy

3餸車仔麵配番茄薯仔湯底  $30包3款餸 (指定款式加$1-3不等)

湯的份量多到麵都見唔到,標榜不加肉和味精,仲有好多番茄肉,同埋煲得好腍的薯仔,誠意滿分!3款餸分別選了多春魚、蠔仔煎蛋和滷水豆腐,最出色是豆腐,滷得好入味,甚至能蓋過湯底的番茄酸。

 

_O5W2438 copy

(左) 黑白芝士烤雞翼 $22/3隻 (右) 麻辣烤雞翼 $20/3隻

飲完靚湯,心思思想食啲香口嘢,不如嗌啲燒雞翼?芝士雞翼算係重口味,芝士濃稠偏鹹;麻辣雞翼一上枱,即傳來強烈麻香,食落都幾辣,食得辣先好試!

 

_O5W2439 copy

招牌蜜汁燒叉燒 $15/串

選用脢頭肉,肥瘦均勻,燒得好鬆化,表面的蜜汁超級厚身,焦香味十足,而且完全鎖住肉汁和熱力,食的時候好燙口,好好味!果然是招牌!

蒙麵車仔麵

地址: 紅磡必嘉街83A號地舖(顯示地圖)
電話: 2363 8166
營業時間: 星期一至日 11am-11:30pm

4. 價廉物美 人情味古早店

小店開業近五十年,是區內老字號,所以儲落好多熟客仔。熟到咩程度?就係企喺門口已經知你叫咩外賣、坐低不用點餐就自動送上食物的程度,就憑呢種用心,叫客人點捨得走呢?

_O5W2429 copy

鱆魚餅拼一丁餐 $32

鱆魚餅吃得出是自家製,沒有打到浮誇的彈牙,反而是軟綿樸實,入面還加了點葱,又煎得香,令人食唔停口!麵底還加了好多生菜,好營養均衡的感覺。

_O5W2432 copy

西多士 $16

來自古早年代的邪惡西多,無人可以招架得住!西多以煎取代炸,食落唔會一口蛋漿,整個外層煎得均勻,內塗花生醬,外加牛油和煉奶,而且煉奶份量落得超闊綽,可以秒殺一整碟!

_O5W2430 copy

店內裝潢好有懷舊味道,地面和牆磚都是六、七十年代的款式,一直沿用的圓木桌亦好復古。

東門冰室

地址: 紅磡曲街 16 號地下(顯示地圖)
電話: 2334 1285
營業時間: 星期一至日5:30am-6pm

5. 超抵茶餐 得意心型Pizza

呢間薄餅店開業至今只有半年,雖然位處環境清靜的住宅區,但成功以街坊價和得意產品留住客人,所有下午茶餐,不論是意粉還是迷你批,都係$40有找,所以不少附近住戶和中學生都會到此醫肚。

_O5W2459 copy

墨西哥香辣心型Pizza配餐湯 $32

Pizza上有辣肉腸、墨西哥辣椒、洋葱、牛肉、蕃茄、加倍芝士,用料夠,厚批底鬆脆,外型又加分,加上配埋粟米忌廉湯都係$32,以茶餐來說真係大件夾抵食。

 

_O5W2454 copy

店址不易找,位於紅磡廣場對面的青州街中段,要上少少斜路,為食係要行多步。

薄餅怪獸

地址: 紅磡青州街3號紅磡花園地下D舖(顯示地圖)
電話: 2330 3810
營業時間: 星期一至日11:30am-10pm

6. 地庫盡頭隱世雞髀

紅磡廣場有好多專賣相機同文具的工具店,搵食之人未必常去,但原來在廣場的地庫盡頭處,有間人氣小店,是附近工廈的上班族的御用食堂,傳說中還有驚為天人的炸雞髀……

_O5W2448 copy

炸雞髀餐 $30 (凍飲加$2)

雞髀超巨型,成個斧頭咁大,一睇就知個皮又薄又脆,呈完美金黃色,同時邊位不會炸到硬,有水準!

 

_O5W2451 copy

雞髀厚肉,好易炸得熟但外皮太燶,不過師傅功力好,肉質嫩滑又有多肉汁,同時保持皮脆,名不虛傳!

寶城美食店

地址: 紅磡馬頭圍道37號紅磡廣場地庫2-3號(顯示地圖)
電話: 2333 0033
營業時間: 星期一至六7am-6pm, 星期日及公眾假期休息

7. 宵夜恩物 平靚正極品串燒

串燒店開到成行成市,要突圍,不只靠調味,還靠師傅對火候的掌握,呢間舖的出品,就被附近大學的學生一致激讚,即管睇睇咩咁巴閉!

DSC05381 copy

肥牛韮菜 $12/串、雞肉$23/3串、雞脾菇 $7/串、雞全翼$23/3串

雞全翼同雞肉串簡直令人驚艷!小記從未食過咁有肉汁的串燒,直頭去到爆汁的程度,孜然粉和辣粉落得唔重手,同時掃上少少蜜汁,更加吊出肉味,好香!好juicy!好好味呀!

DSC05378 copy

蛋炒腸粉 $12

這是餐牌上沒有的食品,但係經過開放式廚房就會見到師傅炒緊腸粉。每條腸粉都沾上適量蛋汁,炒得香脆,條條都一樣水準,無一條係白腸粉,平凡中見真功夫啊!

DSC05369 copy

由紅磡火車站行落三個街口就到,位置方便,而且開到半夜三點半,唔怪得咁多大學生來食宵夜啦!

美味佳

地址: 紅磡寶其利街2號(顯示地圖)
電話: 9235 7213
營業時間: 星期一至六11am-3:30am, 星期日休息

8. OL最愛新派冰室

呢間叫做冰室的冰室開店只有一年多,但已十分受附近上班族歡迎,除了因為地方企理、坐得舒服,最重要是食物款式有心思,例如有薑汁奶茶、薑汁咖啡、薑汁檸蜜,這些薑汁乜乜乜最hit得中日日坐冷氣房的OL!

DSC05345 copy

薑汁奶茶 (小)$15 (中)$19 (大)$23 跟餐加$6

聞落茶味香,但飲落奶味較重,最後才回出薑汁味,好似一碗飲得嘅薑汁撞奶。因為奶茶夠熱,薑味香氣在口腔內持續徘徊,抵讚。

DSC05338 copy

富士山肉汁芝士撈公仔麵配香烤蒜蓉包 $38

吉列豬扒、炸雞扒好常見,但吉列午餐肉扒就真係少見,原來將原塊午餐肉拎去炸,風味會大大提升,集鹹、香、脆於一身,而公仔麵以車打士芝和牛肉汁拌勻,加上太陽蛋流瀉的蛋漿,就成了這個富士山型巨無霸大餐。

冰室

地址:紅磡黃埔新邨民泰街6A(顯示地圖
電話: 6510 3332
營業時間: 7am-2am

9. 食神爭霸戰得獎甜品店

糖蓮子舊店位於差館里,兩年多前搬到隔離大街,一批舊客依然死跟,全因甜品質素高,而且一直保持水準,回頭率當然高啦!

DSC05406 copy

醉人Bailey’s雪糕紅豆冰 $45

頂層是大大球雲尼拿雪糕,下面有半杯是原粒紅豆,最底層則是半杯Bailey’s與刨冰的混合體。紅豆預先煲過,已有甜味;Bailey’s落得幾重手,就算混和溶冰的水,仍然散發濃烈酒香,十分好味!

DSC05416

美女與野獸 $43

食的次序為先吃奶凍,後吃蛋糕。雲尼拿奶凍以雲尼拿籽製作,不加精油,朱古力蛋糕全用法國黑朱古力,不用麵粉,食落是熱的,表面烘得脆口,連伴碟水果都因應時令性,選用日、韓、美等地出口。落咁多心機,難怪獲得明火食神爭霸戰銀獎。

糖蓮子

地址: 紅磡蕪湖街68號光明閣地下D舖(顯示地圖)
電話: 2773 6023
營業時間: 星期一至日3pm-1am

 

延伸閱讀:

|18區掃食|街坊力撐 土瓜灣 7大必吃食店

懷舊功夫菜翻生 生炒四季糯米飯 【九龍城食乜好】

【自助餐放蛇起底組】$188涮涮鍋放題 加$50任食生蠔超巨型赤蝦

bookwwbanner_generic-1024x536

最新吃喝玩樂資訊