Uncle Tetsu 日本人氣蛋糕店到港!率先試食芝士蛋糕
Uncle Tetsu 日本人氣蛋糕店到港!率先試食芝士蛋糕

Uncle Tetsu 日本人氣蛋糕店到港!率先試食芝士蛋糕

來自日本九州嘅Uncle Tetsu徹思叔叔人氣芝士蛋糕店今日終於喺銅鑼灣開幕!Uncle Tetsu已有二十多年歷史,進軍海外之後為人熟識,佢嘅皇牌6吋芝士蛋糕,又平又抵食!今日開張前1個鐘已經有好多人排隊,等記者為大家率先報道同試食啦!

uncle tetsu
Uncle Tetsu香港銅鑼灣店。

性價比極高 皇牌芝士蛋糕

蛋糕強調用新鮮食材,用澳洲Cream Cheese再加日本雞蛋、奶油等等食材,全程手工製作,一個個即時蒸烤,跟足日本做法!Uncle Tetsu其中一大賣點,就係店員會喺現場製作芝士蛋糕,保證新鮮,大家喺買蛋糕排隊嗰陣,可以慢慢欣賞製作過程。香港新店開張期間,每日大約做350至450個蛋糕,每人只係限買一個咋!

uncle tetsu
芝士蛋糕 $59
特別要留意最後一個步驟:為蛋糕燙上官方叔叔logo,真係畫龍點睛架!
特別要留意最後一個步驟:為蛋糕燙上官方叔叔logo,真係畫龍點睛架!
66688
創辦人徹思叔叔都嚟咗,好nice好搞笑呀佢!

即埸試食芝士蛋糕!

芝士蛋糕新鮮出爐,質感好軟熟,口感軟綿綿密順滑,因為啱啱出爐蛋味比較濃,芝士味就冇咁勁,如果想芝士味濃d就要放入雪櫃雪完再拎出嚟食。芝士蛋糕放入雪櫃可以keep到3日。

uncle tetsu
芝士蛋糕質感軟綿綿好軟熟!

開店期間 買芝士蛋糕送瑪德蓮蛋糕

提提大家24 – 26/12期間買咗芝士蛋糕,可於2016年1月6日至12日下午一時後,憑收據免費換領瑪德蓮蛋糕,買一個芝士蛋糕可換領瑪德蓮蛋糕一個,如此類推。換領者唔洗排隊,可以直接到收銀處換領。每日限量150個,每日派發完Uncle Tetsu會喺facebook專頁公告。是次瑪德蓮蛋糕只作換領不設售賣。

 

 

Uncle Tetsu_芝士蛋糕_銅鑼灣
開張期間只會推出皇牌6吋芝士蛋糕,想試瑪德蓮蛋糕嘅朋友要再等吓喇!
uncle tetsu
24 – 26/12買咗蛋糕記得keep單,仲要睇吓有冇蓋印,如果唔係就冇瑪德蓮蛋糕喇。

徹思叔叔 Uncle Tetsu’s Cheesecake HK

地址:銅鑼灣景隆街3號B鋪 (D1出口)(顯示地圖
電話:2877 7895
營業時間:11am-10pm

延伸閱讀

$99買一送一 韓式芝士年糕火鍋放題 @ Poortravellers窮遊

工展進擊2.0 鎖定目標買廚具 【銅鑼灣好去處】

最新吃喝玩樂資訊