自助餐
自助餐

推$164自助餐!180度海景+鱈場蟹腳|荃灣有咩好食|

飲食

廣告

近年自助餐閒閒地都$500/位,未必人人捨得食。早前,無線節目「東張西望」喺節目入面介紹咗間$200唔駛並集合鱈場蟹、翡翠螺等海鮮併盆、黑松露意大利飯等嘅酒店級自助餐,唔知你哋又有無留意呢?無留意唔緊要!記者而家立刻同你快速重溫有關介紹片段先:

睇咗咁耐,究竟呢間擁有無敵海景、任食3個鐘同埋每人唔駛$200嘅海鮮自助餐喺邊度,同埋係未真係咁好食呢?早前記者已經親身試過呢間自助餐,以下睇吓我哋嘅推介3大回本必食之選同試後報告啦!

回本推介一:任食鱈場蟹腳、大蝦

香港人極愛海鮮,睇相都見到起碼有5款選擇,包括鱈場蟹腳、大蝦、藍青口等,蟹腳鮮甜多肉,大蝦亦彈牙。在一般高級超市買鱈場蟹,一隻起碼都要七百蚊。今次可以平食最多肉的蟹腳部位,抵!

回本推介二:黑松露龍蝦意大利飯

龍蝦配黑松露,一聽都覺得貴,而且是Action Counter即叫即煮,熱騰騰上碟一定特別好食!有網友都讚呢個黑松露龍蝦意大利飯做得似模似樣,意大利飯粒濕潤而煙韌,而且充滿龍蝦嘅鮮味以及黑松露嘅香氣。坊間一份黑松露龍蝦意大利飯都要差不多$200,這個一定是回本之選啊!

回本推介三:燒安格斯肉眼

這兒的燒牛肉絕對有驚喜,用到安格斯肉眼,外層燒得香,廚師即場切片,中心香嫩肉軟,不錯!

除了必食的回本食物外,自助餐還有以下亮點,都值得試啊!

1. 即鑿Parmesan芝士

沙律吧的亮點,是即鑿Parmesan芝士,芝士味特別濃郁,坊間不多自助餐有供應此貴價芝士,用來拌沙律極好食!

2. 刺身壽司

刺身和壽司絕不能少,款式包括有三文魚、吞拿魚、甜蝦及章魚等等。另有其他日式食品,例如綠茶麵和稻庭烏冬,可以一試!

3. 任食Dreyers雪糕

如此價位竟然有任食的杯裝Dreyers雪糕,每日都有三、四款口味選擇,超級市場買一杯Dreyers起碼要$20,容易回本!同時,自助餐有深受小朋友同大朋友歡迎嘅朱古力噴泉,加上有不同款式的蛋糕,以及中式糖水,包保大家一定揀到心水甜品。

同場加送:180度無敵海景

Anchor’s Seafood and Beer House在汀蘭居地下,位於青山公路汀九段,所以面向無敵海景,餐桌擺放亦相當闊落,環境分都有一百分,在這兒食自助餐,心情格外輕鬆!雖然餐廳位置有點偏遠,不過難得有海景,都是一家人的周末好去處,而且在荃灣西鐵站D出口外面,有酒店穿梭巴士,不消10分鐘直達。

各位醒目仔留意啦,呢個自助餐做緊買一送一優惠,以星期一至四計,減價成$164位,再連加一就係$196.8位,抵食呀!
留意返,呢個優惠去到2月29號㗎咋,但請注意!!!優惠不包括初一(8/2)、初二(9/2)、初三(10/2)及情人節(14/2)!
自助餐詳情:
海鮮自助晚餐(晚上6時30分至9時30分)
星期一至四:成人$328/位、小童$164/位 (有買一送一優惠,再收每位加一)
星期五、六、日及公眾假期:成人$398/位、小童$199/位(有買一送一優惠,再收每位加一)
Anchor’s Seafood and Beer House

地址:荃灣油柑頭青山公路汀九段123號汀蘭居地下(顯示地圖
電話:2945 1138
備註:買1送1優惠適用於即日起至2016年2月29日;不適用於初一(8/2)、初二(9/2)、初三(10/2)及情人節(14/2)日
延伸閱讀:
威士忌、黑松露!港島4間聖誕自助餐Menu全面睇
聖誕快Book枱!新界5大自助餐Menu全面睇

新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8
Android:https://play.google.com/store/apps/details?id=com.weekendhk.newsstand2&hl=zh_HK
新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!

想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..