兆萬買衫黑店？港女服裝店試衫被店員打頭！客服做法惹民憤｜玩樂熱話

兆萬打人｜網民大爆旺角兆萬中心買衫小店態度極差

早前有網民在兆萬五樓一間店舖試衫，「我試咗同一條褲嘅s同m碼，兩個size都唔啱，所以最後唔買，嗰個店員（中年女人）聽完就即刻焫着，當住我同其他客面勁大聲講，唔買唔好試啦，搞咁耐，晒曬我時間」，店員之後超大力整理架上衣服表示不滿。

兆萬打人事件｜因一事被店員用褲打頭

事主朋友試完另外一條褲話睇睇先，店員就即刻扯走條褲，其後朋友與事主講返，事主才驚悉「佢地交接條褲嘅時候，無啦啦有嘢打到我個頭，原來係佢扯條褲嗰時一發，打到我同我個friend個頭」。

兆萬打人事件｜事主當下腦海一片空白

事主表示當下完全反應不來，「我嗰下其實係呆咗，件事發生勁快，個腦一片空白，唔知比咩反應，佢當時竟然係扮冇嘢繼續排啲褲，我同個friend相差成10cm，無可能巧合地同時打到我哋兩個嘅頭」，事主覺得店員是刻意這樣做發洩不滿。

兆萬打人事件｜客服未有回應及道歉

事主更指如果「要買先好試」，店員應該要提早講或貼告示，「但係佢又主動問我係咪試，試完唔啱唔買又要受氣，做生意做到佢咁可悲」。事主當晚即刻WhatsApp客服，不過未收到任何回覆或道歉，「從佢年齡推測有機會佢就係個老闆？有機會佢知道之後叫客服唔使理？我哋唔清楚，但係莫講話向我哋道歉，佢哋連WhatsApp都唔覆我哋」。

兆萬打人事件｜網民：睇唔過眼呢間嘢好耐

不少網民紛紛留言，「之前都有留意過呢間嘢，冇諗過佢哋咁賤」、「呢間之前唔係出過事咩？都係老闆……不過係其他嘢」、「咁誇張…有幫襯開佢地」。有眼利網民就發現其店舖衣服質素差，基本上是淘寶貨色：「垃圾淘寶貨，搵幾個妹豬影下相就變上級貨」、「睇唔過眼呢間嘢好耐啦，賣啲嘢又周不時貴人2倍」。

兆萬打人事件｜網民爆料：中年女人好似係店主個阿媽

不過有網民爆料WhatsApp客服是不會回覆，「個中年女人好似係店主個阿媽」、「但我發現佢關閉咗留言功能」、「做生意做到咁係想執定咩，畢竟都係服務性行業」，「呢間嘢食水勁深」。

原文截圖：

資料來源：Dcard