珍妹都有個浪漫聖誕@杜遊珍

博客

廣告

又到聖誕~又到聖誕~依家聖誕節人人都去旅行,阿珍做得呢行,聖誕唔OT都偷笑,旺季邊有得去旅行,係放假都係公司高層先有得放。當年阿珍仲係新入行,聖誕經常要開工,梗係要被迫留港,想唔促進香港消費都唔得啦!

不過香港雖然無白色聖誕,其實都可以好浪漫嘅~咪睇依家啲人俾面叫聲阿珍做珍姐呀,阿珍仲係珍妹嗰陣,自問無7成都有5成似李麗珍,引到唔少人追。記得有年聖誕節又要返工,好衰唔衰要處理突發事情而OT,心情跌到落谷底,成11點先有得鬆人,都唔知call邊個食宵夜。

點知當時其中一個追求者阿Dean竟然自動波出現在公司樓下話接阿珍去玩,當時實心甜啦。開頭都係去尖東睇吓燈飾,覺得普普通通咁;不過去到半島酒店一刻,珍妹真係好感動。

依家啲後生女可能覺得半島年年都有燈飾啦,咁你哋就真係「少年你太年輕了!」半島酒店外面都係千禧年左右先有燈飾咋,喺當年好大驚喜㗎!一粒粒星星、雪花形燈飾好似凌空咁掛喺度,不知幾創新,幾靚,真係威盡尖東呀!

夜晚凍凍地,打咗個打乞嗤,以為阿Dean會好有風度咁除件外套嚟,佢竟然無表示喎!阿珍暗暗喺心度扣佢分啦,點知佢竟然拉住阿珍隻手,行咗入半島—你哋唔好心邪啦唔該,係去Lobby Lounge。真係唔好講笑,珍妹做旅遊業,但作為妹妹仔無咁high class,嗰日都係第一次入半島咋!Dean二話不說,order杯半島最出名的熱朱古力,話俾阿珍暖下手,細心到咁梗係加分加到爆燈啦。

加埋現場的聖誕樹呀、裝飾呀,又多外國客人,真係似去咗外國㗎!呢個時候,佢仲送上聖誕禮物,係一條雪花形頸鏈,十足出面啲燈飾咁。
今年MaBelle有呢條雪花形嘅鑽石頸鏈,閃令令,不知幾咁耀目,依家仲送埋一條暖笠笠的熊仔形毛氊,自不然諗番起成十幾年前的往事。

至於珍姐依家身邊個衰佬係唔係以上往事的男主角?我唔話你知~D先生,睇到呢篇嘢,識做啦~!

@MaBelle #MaBelle #MaBelleHK #SurpriseAllAround #快樂國度 #驚喜遊世界


有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線