行山友餐廳 食飯過足露營癮 【灣仔食乜好】

與其放假面對四面牆，好多港人都愛投奔田園綠野。不過，生活逼人，又有邊個可以個個星期上山數星星？最近，登過珠峰的攀山名家鍾建民，就聯同一群山友在港島鬧市搞了家野外主題餐廳，推廣outdoor 文化。裝修如瑞士山腳下的小木屋，門口的Café 位置先有個小帳篷，裡面餐室則有一排排野餐木枱，上面以營燈代燭台，鐵杯代玻璃杯，玩味十足。食物同樣過癮，從前菜到甜品，都走野炊風格，用野外cook set 上菜，感覺又raw又wild。最愛餐廳的BBQ 和one-pot dish，例如以火山石烤製原條牛排骨，調味簡單，但加蜜糖牛油，營造郊野風味；另外又用camping classic 鑄鐵荷蘭鍋，原煲煮海鮮，配以西西里茄醬，感覺清新，又原汁原味；菜式整體抵食大件，天氣欠佳上不了大東山，來這裡跟朋友聚聚還是不錯！