行山友餐廳 食飯過足露營癮 【灣仔食乜好】
行山友餐廳 食飯過足露營癮 【灣仔食乜好】

行山友餐廳 食飯過足露營癮 【灣仔食乜好】

與其放假面對四面牆,好多港人都愛投奔田園綠野。不過,生活逼人,又有邊個可以個個星期上山數星星?最近,登過珠峰的攀山名家鍾建民,就聯同一群山友在港島鬧市搞了家野外主題餐廳,推廣outdoor 文化。裝修如瑞士山腳下的小木屋,門口的Café 位置先有個小帳篷,裡面餐室則有一排排野餐木枱,上面以營燈代燭台,鐵杯代玻璃杯,玩味十足。食物同樣過癮,從前菜到甜品,都走野炊風格,用野外cook set 上菜,感覺又raw又wild。最愛餐廳的BBQ 和one-pot dish,例如以火山石烤製原條牛排骨,調味簡單,但加蜜糖牛油,營造郊野風味;另外又用camping classic 鑄鐵荷蘭鍋,原煲煮海鮮,配以西西里茄醬,感覺清新,又原汁原味;菜式整體抵食大件,天氣欠佳上不了大東山,來這裡跟朋友聚聚還是不錯!

露營麵包布甸 $68 原個鑊仔上,用上法包配蛋漿焗製,伴著吉士吃,煙韌香甜。
露營麵包布甸 $68
原個鑊仔上,用上法包配蛋漿焗製,伴著吉士吃,煙韌香甜。
野火香烤牛仔骨 $388/32安士(另備$238/16安士) 32安士的牛仔骨,有手臂咁粗,足四人份量。用簡單香料醃過,再在火山石上一邊塗上蜜糖牛油,邊慢燒25分鐘,燒得香口惹味,肉汁豐富,又帶微微蜜糖甜香。
野火香烤牛仔骨 $388/32安士(另備$238/16安士)
32安士的牛仔骨,有手臂咁粗,足四人份量。用簡單香料醃過,再在火山石上一邊塗上蜜糖牛油,邊慢燒25分鐘,燒得香口惹味,肉汁豐富,又帶微微蜜糖甜香。
荷蘭鍋海鮮薈 $268/ 四人份量 (另備$168/二人份量) 荷蘭鍋是山系品牌LODGE的出品,全個以鑄鐵製造,耐燒又保溫,原煲上枱熱辣辣。海鮮有青口、虎蝦、墨魚,非常豐富,大廚再配以意式茄醬,帶出鮮味,相當有水準。
荷蘭鍋海鮮薈 $268/ 四人份量 (另備$168/二人份量)
荷蘭鍋是山系品牌LODGE的出品,全個以鑄鐵製造,耐燒又保溫,原煲上枱熱辣辣。海鮮有青口、虎蝦、墨魚,非常豐富,大廚再配以意式茄醬,帶出鮮味,相當有水準。
餐廳展示了不少名牌的山系用品,營燈、帳篷、外套、廚具,應有盡有。
餐廳展示了不少名牌的山系用品,營燈、帳篷、外套、廚具,應有盡有。
用餐室非常寬敞,亦計劃 在這裡舉辦各類型戶外文 化工作坊。
用餐室非常寬敞,亦計劃在這裡舉辦各類型戶外文化工作坊。

Something Wild野玩山店
地址:灣仔軒尼詩道288號英皇集團中心1樓101-104號舖(顯示地圖
電話:2997 5233
營業時間:星期一至日9:30am-午夜
備註:門口Cafe位置,不設加一
延伸閱讀:德州始祖駕到 地道醃料做炸雞 【灣仔食乜好】
墨西哥大廚出手 仙人掌扒原塊鋸【灣仔食乜好】

最新吃喝玩樂資訊