工展會殺到！全場10大筍貨即刻睇

#01首登場！Hello Kitty超萌點心

攤位由全球首間的Hello Kitty 中菜軒主理，攤檔會供應十款食品如流沙包、叉燒酥、炒飯、蘋果雪耳水等，當中更有首登場的酥皮叉燒包。同場更有不少精品、湯包、海味禮盒發售，通通都印有Hello Kitty 個樣，粉絲見到必like。

攤位號碼：4A21-23

#02鴻星出鹹味芝士撻

鴻星今年很進取， 跟潮流首推芝士撻，除了以德國芝士混合車打芝士調配而成的低糖原味外，更玩埋鹹吃，推出海鮮芝士撻，芝士餡內加入蘑菇、蝦肉、蟹肉和帶子等海鮮，口感更豐富惹味！同場熟食還有新推的太史蛇羹、臘味糯米飯、原隻鮑魚等。另外也有$1「杏汁燉豬肺」湯包，每日限售50盒。

攤位號碼：6C18-19, 32-33

#03即場出爐芝士撻

蛋撻王今年賣各式小吃如牛油炒北海道帶子、蟹皇翅外，更首賣近期勁Hit 的日本月島半熟芝士撻，以新鮮日本直送的月島芝士乳酪製作，芝士餡流心，必吃！

攤位號碼：6C38-40, 59-61

#04$1食齊鵝肝羊架

捷榮攤位今年不單止有$1咖啡豆，更推出$1豪華急凍食品福袋，包括匈牙利鵝肝、法式羊架等，產品總值超過$1,000，首日限量10份，於當日朝早11時開售。

攤位號碼：1C23-24, 31-32

#05六折買臘腸XO醬

本港製造的榮華臘腸、膶腸即場買低於7折，而招牌加瘦臘腸半斤裝 + 珍味XO 醬更有6折優惠。加瘦臘腸以新鮮豬後腿肉、天然豬腸衣製作，XO 醬同樣以自家製臘腸、瑤柱、蝦米等製成，真材實料。

攤位號碼：1C21-22,33-34

#06另類雲腿芝士糕

聯記號一向以雲南菇菌主打，場內除繼續賣雲南野生食用菌外，更引入不少揀手貨，像新疆出產的溏心蘋果、寧夏黑杞子等；雲腿芝士糕以英國藍芝士、傳統車打芝士及水牛芝士做成，再加上杏鮑菇、雲腿肉粒，鹹香味濃。

攤位號碼：2A16-19, 38-41

#07半價買韓國午餐肉

韓國出產的午餐肉近年受年輕人歡迎。像三祖午餐肉就係韓國人都識，用韓國豬做，摻入雞肉，更不含防腐劑。平日一罐三十多元，現$55有3罐，唔買對唔住自己。

攤位號碼：2A21

#08$1一個洗衣機

美的電器今年最注目的，莫過於$1一部洗衣機，首日限量20部，首天早上11時開售。買唔到也不用失望，場內還有麵包機、電熱水壺等家電，全部都有特價。

攤位號碼：5A74-79

#09$1黑松露油鮑魚麵

壽桃牌是巿民入貨重點，今年的1蚊優惠是首日限量10份的黑松露油鮑魚麵禮盒。另外更可以率先訂購鮑魚麵禮券，買4送一，折合計低至5折。

攤位號碼：2B51-62

#10有機橄欖油親民賣

有機產品都進駐工展會！其中嗎哪有機站的油醋套裝，包括不同年份有機意大利黑醋三樽；特級初榨橄欖油則以智利自設的橄欖園的出產提煉，每瓶更可追溯產地來源。買晒四支連糙米一包$238。

攤位號碼：3B05
第50屆工展會
日期：2015年12月12日至2016年1月4日
開放時間：11am-10pm（2016年1月4日至8pm）
地點：銅鑼灣維多利亞公園（顯示地圖）
入場費用：$10（身高１米以下小童，65歲或以上長者及殘疾人士免費）
延伸閱讀：德州始祖駕到 地道醃料做炸雞 【灣仔食乜好】
布達佩斯做主題 Ms B一萬元水晶蛋糕 【中環食乜好】