自助餐
自助餐

聖誕平食自助餐!$400有找宵夜Buffet

飲食

廣告

踏入12月,到處開始瀰漫著聖誕氣氛,又係時候諗定聖誕去邊玩、去邊慶祝,不過節目再多,自助餐總不能少!年年酒店聖誕自助餐處處爆場,一位難求。食唔到首輪,不如食次輪。雖然夜少少,但就平得多。今次介紹返兩間$400有找酒店宵夜自助餐,睇套戲,影埋燈飾再去食,時間剛剛好,食完都唔肉痛!

1.$338矜貴金箔+松露+魚子醬自助餐!歎足三粒鐘!

聖誕節總想食好點,以金箔、松露及魚子醬三大高貴食材做主題,夠晒派頭吧。主題食材啱大人,小朋友又有過百款甜品任揀,如果早點訂位仲可享85折,首輪大人$508一位,次輪更只需$338,立即心心眼!聖誕期間酒店附近郵輪碼頭舉行東華三院慈善嘉年華,聖誕玩完去食自助餐就啱晒。矜貴主題菜式和甜品共有22款,首推松露燒大元貝,肉厚肥美,雖說配上威士忌汁,但酒味不重,反而帶微甜。另外魚子醬焗蠔和鑊仔金箔牛柳亦是必試菜式,魚子醬可帶出蠔的鮮味,好像把海洋吞入肚;鑊仔金箔牛柳用上M5和牛,粒粒外脆內嫩。

 

加推鵝肝梭子蟹
除了金箔松露魚子醬,場內還有多款鵝肝及梭子蟹菜式。四款鵝肝菜式中推介黃鰭金槍魚配鵝肝凍,黃鰭金槍魚加黑胡椒煎過,外層略脆;而鵝肝凍處理手法較複雜,先把鵝肝的筋挑走,用白蘭地浸1至2小時及調味,隔水燉熟雪凍後切件,兩者入口滑溜無渣。另外還有即煎鵝肝配無花果香醋、鵝肝凍批及松露鵝肝釀蟹肉丸。梭子蟹菜式選擇亦多,包括梭子蟹三文魚凍批、日式梭子蟹肉蒸玉子及蒜香辣椒炒梭子蟹等,推介蒜香辣椒炒梭子蟹,辣味夠又惹味,令人胃口大增。

搶眼粉紅噴泉
場內還有過百款甜品任揀,所以記得要留肚,士多啤梨朱古力噴泉最矚目,粉紅色女生必like。另外要揀咖啡甜酒意式奶凍及沙加蛋糕,前者奶凍幼滑, 旁邊有支裝有咖啡甜酒的小滴管, 可因應個人口味加入, 設計細心;後者是奧地利有名甜品,蛋糕有果仁的香味,搭配內裡的紅莓醬,令蛋糕即使有朱古力外層亦不會太甜。

自助餐詳情:

24/12及25/12 首輪成人$598、小童$398(6pm-9pm)
次輪成日$398、小童$298(9:30pm-11:30pm)

26/12 成人$488、小童$328(6pm-9:30pm)

提提你:12月13日前提早預訂可享85折優惠,長者可享75折優惠

儷廊咖啡室 Café Neo

地址:九龍城沙浦道30-38號富豪東方酒店地庫1樓(顯示地圖
電話:2132 3502
備註:設加一,收信用卡

$269 倒數歎生蠔和牛!平安夜宵夜!

很難想像,酒店自助餐在聖誕期間可以三百蚊落樓!這個聖誕宵夜Buffet, 任食兩小時, 由11pm食到1am,迎接聖誕,正!宵夜時段有16款熱食選擇,必食砵酒燴和牛、蟹粥及薑葱炒蟹,和牛選用較瘦的部分,煮得腍身入味;蟹粥煲得綿又鮮甜;薑葱炒蟹亦不錯,惹味又啖啖肉。收費雖然平,但也有即開生蠔供應,美國生蠔隻隻肥美飽滿,新鮮甜美,品質不錯,同場另有凍海鮮青口和熟蝦。甜品除聖誕限定的樹頭蛋糕和布甸外,還有Haagen dazs 雪糕,大滿足!

自助餐詳情:
24/12宵夜時段成人$269、長者$215、小童$188(11pm-1am)
Bistro on the Mile
地址:尖沙咀彌敦道50號金域假日酒店1樓(顯示地圖
電話:2315 1118
備註:設加一,收信用卡
延伸閱讀:
【下午茶時間】聖誕限定!! 雙重栗子的浪漫 Paul Lafayet@大仁生活
IKEA自創聖誕大餐!$9芝士窩夫+$14爆谷雪糕!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..