【自助餐放蛇起底組】$128 中環茶記放題 雞髀什扒任食

放題 其實無罪!只要食幾多才叫幾多,便不會浪費。最近上環有間新茶記都撈埋 放題,大人$128,八歲以下小朋友就$68,1.5小時任鋸 鐵板 牛扒,撈丁、焗飯、中式點心、蒸飯任食,仲有任飲啤酒咖啡奶茶,食物仲標榜唔落味精,用本地靚料居多,咁好唔好食?睇完試食報告,你就知!

超過30款任食選擇

餐牌數埋數埋,唔計飲品,總共有超過30款,西式有齊意粉、焗飯、鐵板 扒、沙律;中式則有點心、盅飯等。但係餐牌上仲有少少規則須要留意,例如每位客人一次只可柯打三款食物,飲品則不限,另外為了避免浪費,客人需要吃完一輪食物,才可柯打第二輪。所以限時90分鐘,其實不算太多,要好好把握!

ENVI
餐廳嘗試營造老香港懷舊茶室風格,貼滿五、六十年代的廣告海報,又放了舊茶罐、收音機作裝飾。
飲品除了一般咖啡奶茶,仲有菠蘿冰、紅豆冰等各款特飲。可能因為餐廳鄰近蘭桂坊,甚至連藍冰啤酒、智利葡萄酒都有得你揀,等一眾蒲精可以邊飲邊食打個底!
飲品除了一般咖啡奶茶,仲有菠蘿冰、紅豆冰等各款特飲。可能因為餐廳鄰近 蘭桂坊,甚至連藍冰啤酒、智利葡萄酒都有得你揀,等一眾蒲精可以邊飲邊食打個底!

前菜小食!首選點心

食放題冇理由,一開波就食粉麵飯,好在餐廳小食選擇頗多,有雞翼、牛腩、點心、油菜,甚至西多士。筆者食過之後,覺得最有水準都是點心,每一款都是新鮮蒸製,用料和味道都拍得住大酒樓和市面上的某些點心連鎖店,茶記有此質素,好難得!

太鹹! 原汁清湯腩 牛腩用的是雪藏牛肋條,不過食落尚算炆得透,肉質唔會好柴,不過湯汁就似乎唔係牛腩「原汁」, 味道太鹹,飲落有涸喉感覺。
太鹹! 原汁清湯腩
牛腩用的是雪藏牛肋條,不過食落尚算炆得透,肉質唔會好柴,不過湯汁就似乎唔係牛腩「原汁」, 味道太鹹,飲落有涸喉感覺。
手造!中式點心 燒賣、蝦餃、牛肉、叉燒包等基本款式都齊。筆者試了山竹牛肉和鵪鶉蛋燒賣;牛肉形狀唔會圓碌碌似牛丸,應該是廚房自己造,食落肉質軟嫩,亦加了芫荽、馬蹄,不錯!至於,唔係周圍有得食的鵪鶉蛋燒賣,就有蝦、有肥豬肉,加埋原粒鵪鶉蛋,雖然膽固醇超標,不過食落確係甘香豐腴,讓人食不停口!
手造!中式點心

燒賣、蝦餃、牛肉、叉燒包等基本款式都齊。筆者試了山竹牛肉和鵪鶉蛋燒賣;牛肉形狀唔會圓碌碌似牛丸,應該是廚房自己造,食落肉質軟嫩,亦加了芫荽、馬蹄,不錯!至於,唔係周圍有得食的鵪鶉蛋燒賣,就有蝦、有肥豬肉,加埋原粒鵪鶉蛋,雖然膽固醇超標,不過食落確係甘香豐腴,讓人食不停口!

自家製蛋撻 除咗燒賣等甜點之外,餐廳竟然還做了一些蛋撻仔,雖然不是新鮮出爐,熱度溫吞,不過酥皮撻底帶麵粉、牛油香,蛋漿食落亦算奶滑,幾好幾好!
自家製蛋撻
除咗燒賣等甜點之外,餐廳竟然還做了一些蛋撻仔,雖然不是新鮮出爐,熱度溫吞,不過酥皮撻底帶麵粉、牛油香,蛋漿食落亦算奶滑,幾好幾好!

 

好食還好食 主菜太大份

食完小食,輪到主菜,餐廳上主菜大部份都是粉麵飯為主,由一般西式焗飯意粉,到中式盅飯、海南雞飯都應有盡有,其中最吸引人的莫過於鐵板扒餐,每份都是用熱辣辣,吱吱聲的鐵板上,回本必試!

堅大份!大廚什扒餐 哇!真係好豐富!估唔到任食什扒都咁足料,有齊廚師腸、薄牛扒、豬扒、雞扒、薯菜,雖然都是大路茶餐廳貨色,但是件件都好大塊,雞扒連皮、豬扒有骨,配著黑椒汁食,亦冇雪味,過得去啦!
堅大份!大廚什扒餐

哇!真係好豐富!估唔到任食什扒都咁足料,有齊廚師腸、薄牛扒、豬扒、雞扒、薯菜,雖然都是大路茶餐廳貨色,但是件件都好大塊,雞扒連皮、豬扒有骨,配著黑椒汁食,亦冇雪味,過得去啦!

必食!雞脾頭抽撈丁 餐牌上面有大路野,亦都有特別的懷舊菜,好似這個雞脾頭抽撈丁,餐廳不惜工本用本地九龍醬園出品,比市面上同類出品貴同靚,連陸羽此等高級酒樓都用,手掌咁大,又厚肉的雞脾,醃得全隻黑漆漆,有光澤,食落又甜甜地,唔會太鹹;丁麵除咗用頭抽撈,食得出仲落咗陣蔥油,加上又煮得夠爽,可以Encore!
必食! 雞髀頭抽撈丁

餐牌上面有大路野,亦都有特別的懷舊菜,好似這個 雞髀 頭抽撈丁,餐廳不惜工本用本地九龍醬園出品,比市面上同類出品貴同靚,連陸羽此等高級酒樓都用,手掌咁大,又厚肉的 雞髀 ,醃得全隻黑漆漆,有光澤,食落又甜甜地,唔會太鹹;丁麵除咗用頭抽撈,食得出仲落咗蔥油,加上又煮得夠爽,可以Encore!

榮華臘腸蒸雞飯 除咗港式西餐之外,主菜都有盅飯等中式選擇。飯盅設計亦相當貼心,有上下兩層,上層是係餸,下層係飯。蒸煮時上層的肉汁精華會從特製的小氣孔滴落到下層的蒸飯中。比起傳統的盅飯更為整潔,唔會令飯粒過鹹。另外,餸菜其實都幾靚,好似臘腸用的是元朗自設大工場的榮華臘腸,食落甘香,寧舍不同!
榮華臘腸蒸雞飯

除咗港式西餐之外,主菜都有盅飯等中式選擇。飯盅設計亦相當貼心,有上下兩層,上層是係餸,下層係飯。蒸煮時上層的肉汁精華會從特製的小氣孔滴落到下層的 蒸飯中。比起傳統的盅飯更為整潔,唔會令飯粒過鹹。另外,餸菜其實都幾靚,好似臘腸用的是元朗自設大工場的榮華臘腸,食落甘香,寧舍不同!

不過,主菜略嫌真係太大份,而且唔可以減份量,我同攝記食左三個主菜,真係唔洗再食其他嘢!好彩筆者試食當天冇食晏,仲可以食返個甜品翻本!

甜品選擇偏少

老實講,甜品就選擇唔多,得雙球雪糕及是日中式糖水。不過,你去茶記都唔會期望將甜品當飯食吧?

芋頭西米露

有驚喜!西米露裡面好多芋頭粒、芋頭蓉,飲落味道濃郁,而且新鮮熱辣,天氣凍冰冰,緊係飲
芋頭西米露
有驚喜!西米露裡面好多芋頭粒、芋頭蓉,飲落味道濃郁,而且新鮮熱辣,天氣凍冰冰,緊係飲啲熱嘢先走。
孖寶雪糕 雪糕好懷舊,裝在船形碟上,有雲尼拿與朱古力兩種味道,都是大路貨式,朱古力混有朱古力碎,比死甜的雲尼拿更有層次。
孖寶雪糕
雪糕好懷舊,裝在船形碟上,有雲尼拿與朱古力兩種味道,都是大路貨式,朱古力混有朱古力碎,比死甜的雲尼拿更有層次。

 

總結:

筆者本來對茶記放題,冇咩期望,點知感覺其實幾OK!每人$128,兼無加一,其實今時今日去咩翠X、太X要食餐飽飯,要有齊前菜、主菜、甜品,埋單都唔止呢個價,加上餐廳仲要任食任飲。食物質素亦好唔錯,尤其是頭抽 雞髀 撈丁、點心、蒸飯等中式出品,都算係平實好味的心機作。唯一問題是主菜實在太過大份,每人叫一份都已經半飽,好似想盡快塞飽你咁,試唔到太多款!不過整體而言,其實都值7分,行開行埋可以一試啦!

總分: 7/10分

 

香江冰室

地址: 中環 荷李活道15號地下 (顯示地圖)
營業時間: 星期一至日8am–12mn

放題時段:6pm-7:30pm; 7:45pm-9:15pm;9:30pm-11pm
放題收費: 成人$128/位 8歲以下小童: $68/位
查詢: 2806 0220
備註: 收信用卡,不收加一

 

延伸閱讀:
聖誕平食自助餐!$400有找宵夜Buffet
馬六甲西米食譜@JACKY YU

最新吃喝玩樂資訊