化身書中主角！全港首間小王子主題餐廳！【沙田食乜好】

《小王子》套餐打造書中場景

今次嘅小王子套餐，包括沙律、前菜、主菜、甜品同埋飲品，雖然用上優質食材，不過每位收成$888，就咁睇個價錢，都有少少令人卻步。

主菜有意式烤紐西蘭羊架、澳洲野生三文魚同埋有機香辣雞柳，廚師將食材砌成小王子同狐狸對話嘅場景，而羊架就代表住狐狸，你又睇唔睇得出呢？

提到小王子，就一定唔少得玫瑰，甜品就用心太軟加上朱古力砌成嘅玫瑰花，都幾靚～

睇得出餐廳好用心將小王子嘅元素融入套餐入面，甚至連墊枱餐紙都係小王子圖案，仲有小王子USB送添，不過$888呢個價錢呢，對《小王子》要有愛至得。

訂造專屬你的故事書

呢間小王子主題餐廳，除咗有得食之外，仲有得玩～ 餐廳同科技公司合作，推出《小王子個人化電影故事書》，只要預先喺網上輸入名字，就可以將故事入面嘅角色名改成你個名，化身故事角色，同小王子互動，甚至成為小王子！

《小王子個人化電影故事書》套裝，包括：一套兩冊的中英雙語的書籍、明信片、8GB USB以及絲巾，售價要$698。以小王子產品作準則，價錢又唔算真係好貴，加上今次加入埋互動元素，無論書入面定係USB入面嘅聲音版本，都可以加入自己嘅名～

除咗書之外，仲可以製作印有自己名嘅小王子卡片。

現場亦設有「小王子多媒體互動體驗」，大家可以行入小王子情景，等佢為你揀一朵玫瑰送畀你～

Meraviglia Bar e Ristorante

地址：沙田白石角香港科學園科技大道西十號浚湖樓地下 S040 號舖（顯示地圖）
電話：2210 7168
故事書訂購網址：http://www.readmyname.com

延伸閱讀
小王子現身香港 摸得又聽得雕塑展【金鐘好去處】
姆明化身聖誕樹 免費玩全景selfie【旺角好去處】
新假期周刊 電子書：
ios：https://itunes.apple.com/hk/app/xin-jia-qi-zhou-kan/id722179449?mt=8
Android：https://play.google.com/store/apps/details?id=com.weekendhk.newsstand2&hl=zh_HK

新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！
想最快接收第一手的旅遊飲食資訊？Easy！
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」，搞掂！