最近邊間Buffet好？@飲食分子

Oct 5 2014

這個問題，久不久就會有親友問。兩年前我會說是尖東 Hotel Icon 的「The Market」，今年我會說是翻新了的會展。用「目不暇給」來形容這新出的自肋餐絕對不過分，36 個月西班牙黑毛豬火腿、飛驒牛 Sukiyaki、即煎鴨肝、花膠鵝掌、金錢雞、片皮鴨、肥蠔天婦羅、馬賽海鮮湯、沖繩海葡萄，還有近年極流行的現場即製液態氮水果球，很多選擇都是 Buffet場罕見的，而且不是貴價就是手工嘢，你知有時 Buffet 這回事，很多時「講就無敵，賣就留番 D 力」，不過今次吃過完全沒有名不副實之感，樣樣嘢都有睇頭，$518 這個價，實在值得。

花膠大大件，鵝掌亦大大隻，而且炆得酥軟入味，家中長輩食到舔舔脷。

飛驒牛很可能是首次登陸 Buffet，牛肉油花平均，牛味丈濃郁，質地滑嘟嘟，好味。

鴨肝即叫即煎，大塊又厚切，入口即溶又甘香，吃兩塊已超級滿足。

生蠔風險高，一如很多自助餐，這裡也沒提供了，取而代之的是符合環保原則的可持續海鮮。由於這 Buffet 太多好選擇，海鮮稍為渣一點亦可接受。

36 個月的西班牙黑毛豬火腿，平時買幾塊已成嚿水，可以即切任食真係好爽。

片皮鴨不出奇，但金錢雞都希真係好過份，這個輕盈版以冬瓜代替冰肉，雞肝加豬頸肉依香口。

液態氮水果球，由於以鮮果現場即製，味道和質感超清新真實，食完皇味食物可用來清清味蕾，最喜歡紅莓和熱情果味。

餐廳環境非常闊落，而且有維港景，舒服。
薈景 Congress Plus
地址：灣仔港灣道1號香港會議展覽中心 4 樓
電話：2582 7250
收費：星期一至四 $518/位，星期五至日 $568/位