Paul Lafayet
Paul Lafayet

【下午茶時間】聖誕限定!! 雙重栗子的浪漫 Paul Lafayet@大仁生活

博客

廣告

今日一家三口走到太古城中心, 因為「Paul Lafayet」聖誕新攪作 ~ 限定雙重栗子的浪漫.

這個正正方方的小小栗子蛋糕 ($45), 單純外表並不太吸引, 不過一刀切開, 嘩! 用栗子蓉慕司即如半熟蛋糕如泉湧, 勁興奮.

而且蛋糕底並不是我最討厭的海棉蛋糕, 而是蛋撻底, 夠新意…如果有酥皮底版本更渾然天成, 雲尼拿慕司混栗子蓉慕司原來好夾好夾…(好食到唔想講嘢)

至於金色的栗子馬卡龍 ($20)…雖然這裡已經出名輕甜,不過…老老實實, 旁邊藍色的黑加倫子味委實太出眾. 簡直一見鍾情.

其實, 馬卡龍一向少食多滋味,不過今次的黑加倫子味, 就連抗拒馬卡龍的阿太,竟然一食再食:「酸酸甜甜真係正, 我咁驚馬卡龍, 都鍾意咗佢酸酸地嘅味道,
你唔覺得好食嘅咩?」 ,我:「係!! 味道中和咗D甜, 愈嗒愈High」

之後就到我非常期待, 今次來到這裡的目的….Crème brulee自己燒迷你工作坊, 我問大隻總理阿John:「點解你哋有兩一大一細嘅?」

阿John答:「迷你版係有橙味干邑酒, 可能未必啱小朋友」, (係呀! 正常大版本啱我哋多D喇)

工作坊正式開始…首先由阿John示範正確的燒Crèmebrulee手法…其實SY都想試, 不過有火, 太危險, 所以今次他只可以隔住玻璃「欣賞」我玩…嘻嘻

我當然就是攪攪震代表…我問John:「係米我將D糖舖個心心都得架?, (John:得…不過邊邊位無糖無咁好食喎)…」

於是我便開始印一個心型圖案…但畫圖零天份的我失手了…結果就變成了一個「十字架」.

為了「無蝕底」, 於是當然邊邊位置也舖一圈糖,結果有朋友說:「真係CrossOver,中村藤X都出埋…」哈哈!又會咁橋?? 早知我整個仁字啦.

這裡的Crème brulee名震江湖, 就算我燒得如此怪形怪相, 原來味道一樣無被我破壞. (當然無大師嘅巧妙手勢),
但仍然充滿香脆焦糖效果呀!

細細力敲碎十字架形的薄脆焦糖, 濃濃的蛋香便向我呼叫:「燒完我, 食我啦, 食我啦」, 本來對蛋非常抗拒的SY, 忍不住大口大口食不停, 我問:「你唔係唔食蛋嘅咩?」(其實我想叫停佢, 因為我都想食一食自己的製成品呀)

這裡的Crème brulee充滿雲尼拿籽, 好正!! 好香!! 食到不停口的SY:「佢係豆腐唔係蛋…」阿John聽到就笑笑口:「小朋友你唔食蛋唔得架喎…不過Crème brulee有忌廉, 有牛油, 仲有蛋, 所以蛋係米好好食呢」(係囉!! 聽吓John哥哥講啦, 唔該)

臨走時阿John對我說:「下個月, 我哋會有一個馬卡龍工作坊, 不過詳情未知, 你有時間都可以嚟玩喎」(好呀!)