韓國女生熱捧！小花束、乾花手作及快速教學
韓式小乾花束
以前要佈置屋企，總要去太子花墟買一大束花返嚟插喺花瓶，但後期打理嘅功夫就多了，又要淋花、又快凋謝！而家新興嘅韓式小乾花束就方便得多了，除咗可以喺網上預訂外，仲可以隨心配搭。細細束更方便擺放，可以幾款唔同形式嘅小乾花束佈置房間唔同角落，乾花束可以放喺床頭、乾花環掛喺門口、乾花燈泡吊喺書櫃……想即時變做「花之部屋」真係話都無咁易！最緊要係擺幾耐都唔會凋謝，賞花期從此再不受限～
星空乾花蠟燭
星空與花似乎從來都不相往來，要望星空就必須於黑夜發生，但黑夜下又點睇到花呢？韓國有一手作店slowly&slowly就將兩樣嘢結合，將乾花注入充滿閃粉嘅蠟燭入面，熄夜後，乾花彷如置身於星空下，從此，就可兩全其美，享受一個浪漫嘅晚上～
스놀리 앤 스놀리（@slowly_n_slowly）張貼的相片 於 張貼
鎢絲乾花燈
唔少人假日都要喺屋企繼續工作，如果書枱上可以有盞浪漫與實用並重嘅小枱燈陪住你，相信會將你假日仍要工作嘅壞心情一掃而空！呢盞鎢絲乾花燈日與夜都有唔同嘅美態，可以陪伴你由日頭做野到夜晚！
乾花紋身
以乾花佈置家居都未夠治療？咁不如試下將乾花「佈置」自己嘅身體，達成最上級嘅「花之治療」吧！以「押花」形式來做乾花紋身已喺外國流行咗一段時間，而將花「紋上身」嘅做法亦非常簡單！就係用凡士林塗喺乾花後面，再直接貼上身即可！雖然乾花紋身就只可維持數小時，但可以為自己增加正能量值嘅話又有乜所謂十！睇下以下Model嘅「乾花紋身」設計，將自己變身為一刻嘅「花之女孩」吧！（緊記：避色黏上磨擦與出汗較多嘅地方！）
微波爐乾花法
這方法為云云自製乾花法中最快速、最便捷嘅方法！你只要屋企有個微波爐就可以做到，快至一分鍾，慢至五分鍾，即可完成！睇完以下介紹，你就可以馬上動身試整啦！
做法:
1 用廚紙包住所需乾花，（注意，花與花之間而保持3-4吋距離）；
2 放入微波爐叮數分鍾，（注意，加熱嘅時間需按時微波爐嘅烹調設定同花朵種類而定，而一般為1－2分鍾）；
3 以牙籤輕輕搬開已叮過嘅乾花，測試其乾度；
4 如未有心儀的乾度可再翻叮1－2分鍾，後再小心取出。
2 所選的花最好係堅固同呈半開狀態，如全開狀態嘅花有機會會較容影於風乾過程中甩掉花瓣。
