網絡熱爆 七龍珠火鍋 一場去到發現執咗！【名古屋】

天文台預告氣溫急降，說好的冬天今次終於嚟喇！天氣凍又點少得打邊爐，最近網絡瘋傳「 七龍珠火鍋 」，熱辣辣湯底內藏7粒巨型龍珠，據講以膠原蛋白製成，食咗可令皮膚Q彈白滑。湯底方面有豬、牛等口味選擇，龍珠更會在湯中慢慢溶化，「七龍珠」仲可以逐粒單點，不過當然集齊七粒先夠召喚神龍滋補一番！經網絡瘋傳，上周特派記者用龍珠雷達搵到去名古屋唔近市區的居酒屋諗住親身試，坐了半小時的士到達竟然發現間居酒屋已經執咗半年，說好的七龍珠火鍋原來已成為都市傳聞。傷心之餘，些牙過龍珠鍋嘅朋友記得再廣傳一下，以免有無辜遊客專程到來卻摸門釘！